پاکستان۔ بارشوں کے باعث ڈیموں میں پانی کی سطح میں واضع اضافہ

ہفتہ, 12 مارچ 2016 11:15

لاہور(مانیٹرنگ ڈیسک) ملک بھر میں 2 دن سے ہونے والی بارشوں کی وجہ سے جہاں نظام زندگی معطل ہوا ہے وہیں ڈیموں میں پانی کی سطح میں بھی مسلسل اضافہ دیکھنے میں آرہا ہے۔
فلڈ فورکاسٹنگ ڈویژن کے مطابق دریائے کابل میں نوشہرہ کے مقام پر پانی کا بہاو¿ 8 ہزار 900 کیوسک رکارڈ کیا گیا ہے جس کی وجہ سے ڈیموں میں پانی کی سطح میں مسلسل اضافہ ہورہا ہے۔
تربیلا ڈیم میں پانی کی سطح 1444.23 فٹ ریکارڈ کی گئی ہے جبکہ قابل استعمال پانی کا ذخیرہ 13 لاکھ 32 ہزار ایکڑ فٹ ہے۔تربیلا ڈیم میں پانی کی آمد 24 ہزار 700 کیوسک ریکارڈ کی گئی ہے جبکہ پانی کا اخراج 32 ہزار کیوسک ریکارڈ کیا گیا ہے۔
منگلا ڈیم میں پانی کی سطح 1096.15 فٹ ریکارڈ کی گئی ہے جبکہ قابل استعمال پانی کا ذخیرہ 5 لاکھ 48 ہزار ایکڑفٹ ہے۔ منگلا ڈیم میں پانی کی آمد 20 ہزار 841 کیوسک جبکہ پانی کا اخراج 35 ہزار کیوسک ریکارڈ کیا گیا ہے۔

واضح رہے کہ ملک بھر میں ہونے والی بارشوں کی وجہ سے  فصلوں کو بھی نقصان ہورہا ہے جبکہ ڈیموں میں پانی کی سطح میں ہونے والا اضافہ بھی خطرناک قرار دیا جارہا ہے ۔ ڈیموں میں پانی کی گنجائش کم ہونے کے باعث مون سون میں ہونے والی بارشیں سخت نقصان دہ ہوسکتی ہیں جبکہ سیلاب کے خطرات بھی زیادہ ہوگئے ہیں۔

Read 424 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto