علی گڑھ مسلم یونیورسٹی میں فائرنگ، دو طلبا ہلاک

پیر, 25 اپریل 2016 10:40

انڈیا کی شمالی ریاست اتر پردیش میں قائم معروف علی گڑھ مسلم یونیورسٹی کیمپس میں طالب علموں کے دو گروپس کے درمیان فائرنگ کے تبادلے میں دو افراد کی ہلاکت کے بعد وہاں ریپڈ ایکشن فورس تعینات کر دی گئی ہے۔

انڈیا کی خبررساں ایجنسی پی ٹی آئی کے مطابق فائرنگ اور ہلاکت کے بعد وہاں کشیدگی پائی جاتی ہے اور وہاں کے ہاسٹلوں میں ’اہم کلین اپ آپریشن‘ جاری ہیں۔ جبکہ مسلم یونیورسٹی کے شعبۂ اردو کے ایک استاد نے پیر کو بتایا کہ پہلے سراسیمگی تھی لیکن اب حالات قابو میں ہیں۔

یونیورسٹی کے اسسٹنٹ پی آر او ذیشان احمد کے مطابق فائرنگ کا یہ واقعہ سنیچر کی شب کا ہے۔

طالب علموں کے درمیان اس جھڑپ کی وجوہات کے بارے میں فی الحال یونیورسٹی انتظامیہ نے کوئی معلومات نہیں دی ہے۔

ایس پی سٹی انشول گپتا نے 

بتایا کہ ہفتے کو طلبہ کے دو گروپس میں کسی معاملے پر کشیدگی بڑھ گئي اور وہ پراکٹر کے دفتر میں شکایت کرنے پہنچے۔ لیکن اس کے بعد شام کو کیمپس کے اندر ہاسٹل کے پاس جھڑپ ہوئی اور فائرنگ میں دو طالب علموں کو گولی لگی۔

ایس پی سٹی کا کہنا ہے کہ اے ایم یو ہاسٹل میں ایسے کئی طالب علم رہ رہے ہیں جنھیں وہاں سے نکالا جا چکا ہے۔

اس کے علاوہ انھوں نے یہ بھی کہا کہ جس طالب علم کی موت ہوئی ہے وہ ابھی بھی یونیورسٹی کا طالب علم ہے یا نہیں اس بارے میں وثوق سے نہیں کہا جا سکتا۔

بہر حال پی ٹی آئي کے مطابق سابق طلبہ کی اسی رات موت ہو گئی تھی جبکہ دوسرے طالب علم کی اتوار کو ہسپتال میں موت ہو گئی۔ سوشل میڈیا پر بھی اس واقعے کی بازگشت سنائی دی۔

علی گڑھ کے ایک سابق طالب علم اور صحافی زین شمسی نے اپنے فیس بک صفحے پر لکھا: ’ایک طرف جہاں ہندوستان کے تمام مسلمانوں پر دشمنوں کی یلغارہے۔ علی گڑھ مسلم یونیورسٹی کے طلبا علاقائی تعصب کی آگ میں جل مرے ہیں۔ سرکار علی گڑھ کو مسلمانوں سے چھیننا چاہتی ہے۔ اس وقت اتحاد کی ضرورت تھی تو طلبا آپس میں یوں لڑے جیسے برسوں کی دشمنی ہو۔‘

خیال رہے علی گڑھ مسلم یونیورسٹی کے اقلیتی کردار کے سلسلے میں تنازع جاری ہے۔

Read 307 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto