یوراگوئے کا پیدائشی نابینا شخص جو 3 ہزار پرندوں کی آواز پہچان سکتا ہے

بدھ, 15 جون 2016 04:37

 یوراگوئے کا رہائشی 29 سالہ شخص پیدائشی طور پر نابینا ہے لیکن اپنی غیر معمولی حسِ سماعت کی بنا پر وہ ہزاروں پرندوں کو ان کی آواز اور چہچہاہٹ کی بنا پر شناخت کرسکتا ہے۔

یوراگوئے کا شہری جوآن پابلو سماعت کی ایک غیرمعمولی صلاحیت رکھتا ہے جس میں وہ آواز کی مطلق (ابسولوٹ) پِچ سن کر شناخت کرسکتا ہےاور یہ سننے کی ایک نایاب صلاحیت ہے اور کہتے ہیں کہ موزارٹ جیسا عظیم موسیقار بھی یہی صلاحیت رکھتا تھا۔

بچپن میں جوآن پابلو نامی اس نابینا شخص کے والد نے اسے پرندوں کی آوازوں کی ایک کیسٹ لاکردی تھی اور اسے پرندوں کی اقسام کے بارے میں بتانا شروع کیا تھا ۔ اس طرح نابینا جوآن نے پرندوں کو آوازوں کی بنیاد پر شناخت اور یاد کرنا شروع کردیا۔ اس کے بعد پرندوں کے ماہرین کے ساتھ بھی اس نے فیلڈ میں کام شروع کردیا۔ اب وہ حساس ریکارڈر لے کر دنیا بھر کئی مقامات سے پرندوں کی آواز ریکارڈ کرکے انہیں یاد کرلیتا ہے۔

حال ہی پابلو نے دنیا کے سرد ترین براعظم انٹارکٹیکا میں 2 ماہ قیام کیا وہاں اس نے سمندری سیلز اور سی لائنز کی آوازیں ریکارڈ کرکے انہیں سنا اور یاد کیا جب ک پابلو روشنی کا احساس کرتے ہوئے دن اور رات کے فرق کو بھی پہچان سکتا ہے۔

پابلو نے برازیل کے جنگلات میں جانوروں کی آواز ریکارڈ کرکے بایو اکاسٹکس اور فطری آوازوں کو جاننے کا علم بھی حاصل کیا ہے۔ اس کے علاوہ وہ نیشنل جیوگرافک سے 45 ہزار ڈالر کا انعام بھی حاصل کرچکا ہے جب کہ ایک ٹیسٹ میں اسے 250 پرندوں کی آوازوں میں سے 15 کی شناخت کرکے ان کے نام بتانے تھے جس میں وہ کامیاب رہا۔

Read 722 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto