دنیا کی طویل ترین بھوک ہڑتال کا خاتمہ

منگل, 09 اگست 2016 12:26

انڈیا کی ریاست منی پور کی انسانی حقوق کی مشہور کارکن اروم شرمیلا نے ریاست میں مسلح افواج کے متنازع قانون کے خلاف 16 برس سے جاری بھوک ہڑتال آج منگل کو ختم کر رہی ہیں۔

انھوں نے گذشتہ ماہ عدالت کو بتایا تھا کہ وہ نو اگست کو اپنی بھوک ہڑتال ختم کریں گی اور ریاست منی پور میں ہونے والے انتخابات میں آزاد امیدوار کی حیثیت سے انتخابی مہم حصہ چلائیں گی

اروم شرمیلا گذشتہ 16 سال سے منی پور میں مسلح افواج کو دیے جانے والے خصوصی قانون (افسپا) کو ہٹانے کا مطالبہ کرتے ہوئے بھوک ہڑتال پر ہیں۔

واضح رہے کہ افسپا کے ذریعےمسلح افواج کو کسی بھی شخص کو بغیر وارنٹ گرفتار کرنے کے غیر معمولی اختیارات حاصل ہو جاتے ہیں۔یہ قانون انڈیا کی متعدد ریاستوں جس میں منی پور بھی شامل ہیں کے علاوہ انڈیا کے زیرِ اہتمام کشمیر میں بھی لاگو ہے۔

اروم شرمیلا کو بھوک ہڑتال کے دوران زبردستی ناک کے ذریعے خوراک دی جاتی تھی۔اروم شرمیلا نے نومبر سنہ 2000 میں اپنی بھوک ہڑتال اس وقت شروع کی تھی جب امپھال میں آسام رائفل کے سپاہیوں کے ہاتھوں مبینہ طور پر دس افراد ہلاک ہو گئے تھے جن میں دو بچے بھی شامل تھے۔

سنہ 2014 میں اروم شرمیلا کو رہائی کے بعد خود کشی کی کوشش کرنے کے الزام میں دوبارہ گرفتار کیا گیا۔اروم شرمیلا نے منی پور کی ضلعی عدالت میں حاضری کے موقعے پر کہا کہ وہ مقامی اسمبلی کے انتخابات میں حصہ لینا چاہتی ہیں۔ اس عدالت میں انھیں ہر 15 دن بعد حاضری کے لیے پیش ہونا ہوتا ہے۔

اروم شرمیلا کے احتجاج نے انھیں عالمی شناخت دی اور عالمی انسانی حقوق کی تنظیم ایمنسٹی انٹرنیشنل نے انہیں ضمیر کا قیدی قرار دیا ہے۔

امپھال میں اس مقام پر ایک یادگار بنائی گئی ہے جہاں آسام رائفل کے سپاہیوں کے ہاتھوں مبینہ طور پر دس افراد ہلاک ہو گئے تھے۔

منی پور کی آبادی 25 لاکھ ہے اور یہاں جاری مزاحمت کو ختم کرنے کے لیے بڑی تعداد میں فوجی، نیم فوجی دستے کے اہلکار اور پولیس تعینات ہے۔

Read 806 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto