درخت باتیں بھی کرتےہیں، دوست بناتے ہیں

جمعرات, 22 ستمبر 2016 15:03

یہ تمام حیرت انگیز باتیں ایک کتاب میں کی گئی ہیں جو حال ہی میں شائع ہوئی ہے۔ جرمن ماہر پیٹر وولیبن نے اپنی زندگی کے 20 برس جنگل میں مختلف درختوں کی حفاظت میں گزارے ہیں اور انہیں بچپن سے ہی فطرت سے لگاؤ رہا ہے۔ ان کا کہنا ہے کہ درختوں کو تکلیف بھی ہوتی ہے اور وہ اس کا اظہار بھی کرتے ہیں۔

پیٹر نے اپنی نئی کتاب درختوں کی پوشیدہ زندگی میں یہ حیرت انگیز انکشافات کیے ہیں، انہوں نے جنگل میں ہر روز سیکڑوں درختوں کا معائنہ کیا جن میں بید، پائن اور دیگر اقسام کے درخت اور پیڑ شامل تھے۔ ان کا کام ان درختوں کی مارکیٹ قیمت کا اندازہ کرنا بھی تھا لیکن جن درختوں کو نظر انداز کیا گیا تھا ،کچھ عرصے بعد ان کی جڑیں اور شاخیں ٹیڑھی میڑھی اور بدنما ہوگئیں کہ گویا انہوں نے احتجاج کیا تھا۔

پیٹر نے دیکھا کہ ایک ہی نسل کے بعض درخت زمین پر سیکڑوں سال قبل گرے تھے لیکن انہی کی نسل کے آج کے درخت ان سے جڑے ہوئے تھے۔ یہ عمل اچانک نہیں ہوتا اس کا مطلب یہ ہے کہ درخت اپنی ہی نوع کے دیگر درختوں کو پہچان کر ان سے دوستی کرتے ہیں اور ان کو زندہ رہنے میں مدد دیتے ہیں۔

اسی طرح تیز بارشوں میں کئی درخت سیکڑوں گیلن پانی جلدی جلدی اپنے اندر جذب کرلیتے ہیں تاکہ خشکی میں وہ پانی ان کے کام آسکے۔ یہ پانی جڑوں میں جاکر جمع ہوجاتا ہے اس طرح درخت اگلے مشکل حالات کی تیاری بھی کرتے ہیں۔ صرف ایک مربع میل پر پھیلے ہوئے درخت موسمِ سرما کے ایک دن میں 29 ٹن آکسیجن خارج کرتے ہیں جب کہ ایک صحتمند آدمی کو دن میں صرف دو پونڈ آکسیجن درکار ہوتی ہے۔

یونیورسٹی آف ٹیورن کی خاتون سائنسدان کا کہنا ہےکہ درخت اپنے ہی جیسے درختوں کو پہچان کر ان کی جڑوں سے جڑ کر ایک نیٹ ورک بنالیتے ہیں۔ بعض درخت تو جڑوں کو تھامے تھامے ایک ساتھ مرجاتے ہیں۔ وینکووا میں یونیورسٹی آف برٹش کولمبیا کی ماہر ڈاکٹر نے دیکھا ہے کہ شاہ بلوط اور صنوبر کے درخت آپس میں کیمیکل اور برقی سگنل کے ذریعے ایک دوسرے کو خبردار بھی کرتے ہیں۔ یہ معلومات مٹی میں موجود فنگس کے ذریعے ایک درخت کی جڑ سے دوسرے درخت کی جڑ تک جاتی ہے جسے ’ وڈ وائڈ ویب‘ کہا جاتا ہے۔ اس میں فنگس کا کردار فائبر آپٹک انٹرنیٹ کی طرح ہوتا ہے جس میں معلومات ہر تین سیکنڈ بعد تین انچ کا فاصلہ طے کرتی ہیں۔

Read 325 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto