پی آئی اے کے 11 ملازمین برطرف، 165 کو اظہار وجوہ کے نوٹس

جمعرات, 11 فروری 2016 20:23

پاکستان کی قومی فضائی کمپنی کے ملازمین کی جوائنٹ ایکشن کمیٹی اور حکومت کے درمیان تصفیے کے ایک دن بعد پی آئی اے کے 11 ملازمین کو لازمی سروس ایکٹ کی خلاف ورزی پر ملازمت سے فارغ کر دیا ہے۔

پی آئی اے کے ایک اہلکار نے نام نہ بتانے کی شرط پر  بات کرتے ہوئے اس بات کی تصدیق کی اور وضاحت کی کہ یہ 11 افراد دیہاڑی دار تھے۔

اس کے علاوہ پی آئی اے نے لازمی سروس ایکٹ کی خلاف ورزی پر مزید ملازمین کو اظہارِ وجوہ کے نوٹس جاری کیے ہیں جن کی کُل تعداد اب 165 سے زیادہ ہو چکی ہے۔

اس سے قبل 8 فروری کو پی آئی اے نے 78 ملازمین کو لازمی سروس ایکٹ کی خلاف ورزی پر اظہارِ وجوہ کے نوٹس جاری کیے تھے۔

دوسری جانب پی آئی اے کی احتجاج کرنے والی جوائنٹ ایکشن کمیٹی اور دوسری دو یونین کے رہنماؤں نے مشترکہ طور پر پی آئی اے کی انتظامیہ کو خط لکھا ہے۔

اس خط میں استدعا کی گئی ہے کہ چونکہ معاملات وزیر اعلیٰ پنجاب کے ساتھ بات چیت کے نتیجے میں وزیراعظم کے نوٹس میں لائے جانے کے منتظر ہیں، اس لیے ملازمین کو جاری کیے جانے والے اظہارِ وجوہ کے نوٹس واپس لے لیے جائیں۔

اس خط پر کیپٹن سہیل بلوچ چیئرمین جوائنٹ ایکشن کمیٹی، صفدر انجم جنرل سیکریٹری سینیئر سٹاف ایسوسی ایشن، نصراللہ آفریدی کیبن کریو ایسوسی ایشن، ندیم قیصر سینیئر وائس پریزیڈنٹ ایئر لیگ اور عبیداللہ سیکریٹری جوائنٹ ایکشن کمیٹی کے دستخط ہیں۔

پی آئی اے کی جوائنٹ ایکش کمیٹی نے گذشتہ روز پنجاب کے وزیراعلیٰ میاں شہباز شریف سے لاہور میں ملاقات کی جس میں وزیراعلیٰ نے انھیں اس بات کی یقین دہانی کروائی کہ وہ اُن کے مطالبات وزیراعظم تک پہنچائیں گے۔

پی آئی اے کے مختلف ذرائع کے مطابق مزید ملازمین کو اظہارِ وجوہ کے نوٹس جاری کرنے اور مزید ملازمین کو فارغ کیے جانے کے خدشے کا اظہار کیا ہے۔

پی آئی اے اور ہوابازی ڈویژن کے مختلف سینیئر اہلکاروں سے اس حوالے سے رابطہ کیا گیا مگر انھوں نے اس خبر پر تبصرہ کرنے سے انکار کر دیا۔

Read 161 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto