سموسوں پر ٹیکس عائد کرنے کا اعلان

جمعہ, 15 جنوری 2016 17:25

 ہندوستانی ریاست بہار نے سموسوں پر 13.5 فیصد ٹیکس عائد کرنے کا اعلان کردیا۔

بہار ہندوستان کی غریب ترین ریاستوں میں سے ایک ہے تاہم اس اعلان کے بعد سے ملک بھر میں اس پر شدید تنقید کی جارہی ہے۔

بہار حکومت اپریل میں شراب کی فروخت پر عائد کی جانے والی پابندی کے پیش نظر اپنے اخراجات پورے کرنے کے لیے دیگر ذرائع تلاش کررہی ہے۔

کاسمیٹکس، پرفیوم اور کچھ مٹھائیوں کو 'پرتعیش' کی صف میں شامل کرکے 13.5 فیصد ٹیکس عائد کرنے کا فیصلہ کیا گیا ہے تاہم جب اس فہرست میں سموسوں کو بھی شامل کیا گیا تو اس کا سوشل میڈیا پر خوب مذاق بنایا گیا اور تنقید بھی کی گئی۔

ٹوئٹر کی ایک صارف شروتی ملہوترا نے ٹیکس کو عجیب قرار دیتے ہوئے کہا کہ 'سموسہ سیاست' کے لیے تیار ہوجائیں۔

ایک اور صارف عظیم شیخ نے حکومت سے درخواست کی کہ کم از کم معصوم سموسوں کو تو تنہا چھوڑ دیا جائے۔

بہار میں بھارتیہ جنتا پارٹی کے ترجمان نے خبر رساں ادارے اے ایف پی کو بتایا کہ یہ ایک احمقانہ فیصلہ ہے اور لوگوں کے مفاد کے خلاف ہے جس کا عوام پر منفی اثر پڑے گا۔

انہوں نے کہا کہ اس سے ریاست کی تشویشناک مالی حالت کا اندازہ ہوتا ہے جبکہ سموسوں اور کچوری جیسے کھانوں پر ٹیکس عائد کرنے سے ظاہر ہوتا ہے کہ حکومت کے پاس آٹیڈیاز کی کمی ہے۔

اس سے قبل 2012 میں برطانیہ میں ٹیک اوے کھانوں پر اضافی ٹیکس عائد کیا گیا تھا تاہم عوامی ردعمل کے بعد حکومت اسے واپس لینے پر مجبور ہوگئی۔

Read 209 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto