رینجرز نے ایم کیو ایم کے رکن اسمبلی محمد کامران کیخلاف کارروائی سے قبل آگاہ کیا تھا، اسپیکر سندھ اسمبلی

بدھ, 08 جون 2016 17:37

کراچی: اسپیکر سندھ اسمبلی آغا سراج درانی کا کہنا ہے کہ ڈی جی رینجرز نے مجرمانہ سرگرمیوں میں مطلوب ایم کیو ایم کے رکن اسمبلی محمد کامران کے خلاف کارروائی سے قبل آگاہ کیا تھا۔

سندھ اسمبلی کے باہر میڈیا سے بات کرتے ہوئے آغا سراج درانی کا کہنا تھا کہ ایم کیو ایم کے ممبر سندھ اسمبلی محمد کامران رینجرز کو مطلوب ہیں اور ڈی جی رینجرز میجر جنرل بلال اکبر نے ان سے پوچھ گچھ کے لئے مجھے باقاعدہ ایک خط لکھا تھا۔ ڈی جی رینجرز کے خط پر محمد کامران سے ذاتی طور پر رابطہ کرنے کی کوشش کی لیکن رابطہ نہ ہو سکا پھر ان کے گھر کے پتے پر خط لکھا تھا، محمد کامران نے جوابی خط میں لکھا کہ ان کی والدہ کی طبیعت ناساز ہے، 10 روز کا وقت دیا جائے وہ خود رینجرز کے سامنے پیش ہو جائیں گے لیکن وہ پیش نہیں ہوئے۔

آغا سراج درانی کا کہنا تھا کہ رینجرز نے رکن اسمبلی کے خلاف کارروائی سے قبل مجھے آگاہ کر کے قانونی کام کیا، محمد کامران کو رینجرز کے سامنے پیش ہونا چاہیئے۔ ان کا کہنا تھا کہ حاضر نہ ہونے والے ممبران کی رکنیت ختم ہوسکتی ہے، ممبر شپ ختم ہوگی تو حلقے میں دوبارہ ضمنی انتخاب ہوگا۔

واضح رہے کہ رینجرز نے گزشتہ روز محمد کامران کی گرفتاری کے لئے فاروق ستار کے گھر کا محاصرہ کیا تھا تاہم بعد میں رینجرز اہلکار گھر کی تلاشی لئے بغیر ہی واپس چلے گئے تھے۔

Read 333 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto