جو ملک معاشی بدحالی کا شکار ہو اس کے ایٹم بم بھی اس کی عزت کا تحفظ نہیں کر سکتے

جمعہ, 17 جون 2016 02:23

جو ملک معاشی بدحالی کا شکار ہو اس کے ایٹم بم بھی اس کی عزت کا تحفظ نہیں کر سکتے۔ کچھ ایسا ہی حال امریکا کو آئے روز ایٹم بم سے اڑانے کی دھمکی دینے والے ملک شمالی کوریا کا ہے ، جہاں غربت کا یہ عالم ہو چکا ہے کہ حکومت حاضر سروس فوجیوں کو مشرق وسطیٰ میں مزدوری کیلئے بھیج رہی ہے تاکہ وہ حکومت کا خرچہ چلانے کیلئے رقم کما کر لائیں۔
ویب سائٹ Rfa.orgکی رپورٹ کے مطابق شمالی کوریا ہر سال سینکڑوں حاضر سروس فوجی مشرق وسطیٰ کے مختلف ممالک میں مزدوری کیلئے بھیج رہا ہے۔ گزشتہ سال کویت بھیجے گئے سویلین شہریوں کی تعداد 4 ہزار تھی جو اس سال کم ہو کر 32 سو رہ گئی لیکن دوسری جانب مزدووری کیلئے بھیجے گئے فوجیوں کی تعداد میں اضافہ ہو رہا ہے۔ رپورٹ کے مطابق شمالی کوریائی کنسٹرکشن کمپنی نام گانگ کی طرف سے 800 فوجیوں کو کویت بھجوایا گیا ہے جبکہ 750 کو قطر بھیجا گیا ہے۔ اسی طرح شمالی کوریا کی کچھ دیگر کمپنیوں کے توسط سے بھی حاضر سروس فوجیوں کو عام شہریوں کے روپ میں مزدوری کیلئے بھیجا جارہا ہے۔ شمالی کوریا کی حکومت انہیں ہدایت کرتی ہے کہ یہ اپنے بال لمبے کر لیں اور اپنا حلیہ عام شہریوں جیسا بنا لیں تاکہ بیرون ملک کسی کو یہ پتہ نہ چل سکے کہ شمالی کوریا کے حاضر سروس فوجی مزدوری کیلئے آئے ہوئے ہیں۔

دوسری جانب شمالی کوریا سے مشرق وسطیٰ میں روزی کمانے کیلئے آنے والے سویلین شہری ان فوجیوں سے سخت نفرت کرتے ہیں کیونکہ وہ سمجھتے ہیں کہ ان فوجیوں کی وجہ سے ان کی ملازمتیں متاثر ہو رہی ہیں۔ رپورٹ کے مطابق سویلین اپنے فوجی ہم وطنوں کو بے رحم غنڈے کہہ کر پکارتے ہیں ان سے کسی بھی قسم کا تعلق رکھنے سے گریز کرتے ہیں۔ شمالی کوریا کی جانب سے اپنے حاضر سروس فوجیوں کو مزدوری کیلئے بھیجنے کا سلسلہ ایک عرصے سے جاری ہے اور اب کویت میں مزدوری کرنے والے شمالی کوریائی باشندوں میں سے تقریباً 30 فیصد حاضر سروس فوجی ہیں

Read 478 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto