کشتیاں ڈوبنے سے 33 تارکینِ وطن ہلاک ہو گئے

پیر, 08 فروری 2016 18:37

ترکی کے کوسٹ گارڈز کا کہنا ہے کہ ترکی کے ساحل پر یونان جانے والی کشتیوں کے الٹنے سے کم از کم 33 تارکین وطن ڈوب گئے ہیں۔

انادولو اور دوگان ایجنسیوں نے بتایا ہے کہ 22 افراد یونان کے جزیرے لیزبوس کے قریب ہلاک ہوئے۔

دوگان کے مطابق ایک مختلف واقعے میں ترکی کے جنوب میں دکلی کے نزدیک کم از کم 11 افراد ہلاک ہو گئے۔

انٹرنیشنل آرگنائزیشن فار مائیگریشن (آئی او ایم) کے مطابق رواں سال 5 فروری تک کم از کم 374 افراد یورپ جانے کی کوشش میں ہلاک ہو چکے ہیں۔

2015 میں یورپ میں داخل ہونے کے لیے پناہ گزینوں میں سب سے زیادہ مقبول روٹ ترکی سے یونان کا ہے۔

آئی او ایم کے مطابق طوفانی حالات کے باوجود اس سال میں اب تک 69 ہزار افراد یونان کے ساحل پر اتر چکے ہیں۔ گذشتہ سال میں یہ تعداد آٹھ لاکھ 54 ہزار تھی۔

آئی او ایم کا کہنا ہے کہ رواں سال یونان آنے والوں میں نصف تعداد شام سے آنے والے افراد کی ہے۔

یورپی یونین کے سربراہان کی جانب سے تارکین وطن کو سرحد عبور کرنے کی اجازت دی جانے کی درخواست کے باوجود ترکی نے کیلیس سرحد کے قریب جمع 35 ہزار تارکین وطن کے لیے سرحد بند کر رکھی ہے۔

Read 108 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto