واشنگٹن: مشہور ہبل خلائی دوربین کی مدد سے دنیا کا سب سے بڑا بلیک ہول دریافت

پیر, 22 فروری 2016 18:40

واشنگٹن: مشہور ہبل خلائی دوربین نے زمین سے بہت دور این جی سی 4889 میں تاریخ کا سب سے بڑا بلیک ہول دریافت کیا ہے جو سورج سے 21 ارب گنا بڑا ہے۔  

ہبل دوربین نے کوما کلسٹر( جھرمٹ) میں یہ بلیک ہول دریافت کیا ہے جو زمین سے 30 کروڑ نوری سال کے فاصلے پر واقع ہے۔ یہ اتنا بڑا ہے کہ اس کا قطر کم ازکم 130 ارب کلومیٹر ہے یعنی نظامِ شمسی کے سیارے نیپچون سے لے کر سورج تک کے 15 چکر لگائے جائیں تو یہ فاصلہ بنے گا۔ مشاہدے کے وقت یہ بلیک ہول کوزار ( کوسی اسٹیلر ریڈیو سورس) کےدرجے میں تھا اور یہ کہکشاں سے مجموعی طور پر ہزاروں گنا زائد توانائی خارج کرتا ہوا نوٹ کیا گیا۔

اگرچہ بلیک ہول کو براہِ راست دیکھنا اور اس کی تصویر لینا مشکل ہوتا ہے لیکن ماہرین نے کچھ تصاویر بھی جاری کی ہیں۔ عموماً کسی سیارے یا ستارے کو کسی نادیدہ خلائی جسم سے ردِ عمل کو دیکھتے ہوئے ہی بلیک ہول کی پیش گوئی اور دیگر تفصیلات کا جائزہ لیا جاتا ہے۔ اس کی دیگر شناخت کےلیے کیک ٹو اور جیمنائی دوربینوں کو استعمال کیا گیا ہے۔ اس بلیک ہول کی اطراف موجود روشن ستاروں کی رفتار کو دیکھتے ہوئے بلیک ہول کی عظیم جسامت اور موجودگی کا پتا لگایا گیا ہے اور مہینوں کے اندازے کے بعد معلوم ہوا کہ یہ اب تک دریافت ہونے والا سب سے بڑا بلیک ہول ہے۔

Read 456 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto