پاناما لیکس؛ برطانوی پارلیمنٹ نے ڈیوڈ کیمرون کو وضاحت کیلیے طلب کرلیا

پیر, 11 اپریل 2016 19:40

لندن: پاناما لیکس میں برطانوی وزیر اعظم پر لگنے والے ٹیکس چوری کے الزامات پر اپوزیشن کے احتجاج نے سنگین صورت حال اختیار کرلی ہے اوربرطانوی پارلیمنٹ نے جواب دینے کے لیے وزیر اعظم ڈیوڈ کیمرون کو طلب کرلیا ہے جب کہ ڈیوڈ کیمرون نے اپنے گزشتہ 6 سال کے ٹیکس ریٹرن کا ریکارڈ بھی شائع کردیا ہے۔

غیر ملکی خبر رساں ادارے کے مطابق پاناما لیکس کے انکشافات کے بعد برطانوی وزیر اعظم ڈیوڈ کیمرون کی جانب سے اپنے والد کی آف شور کمپنی میں شیئر کے اعتراف  کے بعد ان پر عوامی دباؤ بڑھتا جا رہا ہے جس کے بعد پارلیمنٹ نے بھی انہیں جواب دہی کے لیے طلب کرلیا ہے۔

اپوزیشن اور عوام کے شدید رد عمل کے بعد برطانوی وزیراعظم نے اپنے گزشتہ 6 سال کے ٹیکس ریکارڈ کو میڈیا میں شائع کردیا ہے تاکہ ان کے خلاف عوامی دباؤ کم ہو۔ میڈیا رپورٹ کے مطابق برطانوی وزیراعظم نے ان کے  ٹیکس ریکارڈ کی تفصیلات شائع کرتے ہوئے مطالبہ کیا کہ نہ صرف وزیر اعظم بلکہ اپوزیشن لیڈر، وزیر خزانہ اور شیڈو وزیر خزانہ سمیت دیگر اہم سیاسی رہنما بھی اپنے ٹیکس ریکارڈ شائع کریں۔

واضح رہے کہ پاناما لیکس میں انکشاف کیا گیا تھا کہ برطانوی وزیر اعظم ڈیوڈ کیمرون آف شور کمپنی کے مالک ہیں بلکہ ان کے اپنے والد کی آف شور کمپنی میں شیئر بھی ہیں۔ اپوزیشن لیبرپارٹی نے ان انکشافات کے بعد وزیر اعظم کے خلاف سخت احتجاج کرتے ہوئے استعفیٰ کا مطالبہ کردیا تاہم ڈیوڈ کیمرون نے اپنی کسی آف شور کمپنی کا الزام مسترد کردیا ہے۔

Read 326 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto