اب بچوں کے رونے کو الفاظ میں ڈھالنا ممکن،نئی تحقیق

ہفتہ, 23 اپریل 2016 14:29

آپ کو کیسا لگے گا اگر آپ اپنے بچے کی چیخ و پکار اور رونے دھونے کو الفاظ کے قالب میں ڈھالنے میں کامیاب ہوجائیں۔
نہیں یہ کوئی افسانوی بات نہیں بلکہ ایسا ممکن ہوچکا ہے، ایسا اکثر ہوتا ہے کہ بچے کو بھوک بھی نہ لگی ہو، حتی کہ آپ نےبچے کو اس کی پسندیدہ لوری بھی سنا دی ہو اور بچہ ہے کہ چپ ہو کر ہی نہ دے رہا ہو ،تب آپ سوچتےہیں کہ ایسی کون سی جادو کی چھڑی ہو کہ جس کو گھماتے ہی آپ کو سمجھ آجائے کہ آپ کا بچہ کیوں رو رہا ہے۔یوں سمجھئے کہ سائنس نے چھڑی آپ کے لیے تیار کردی ہے کیوں کہ نیشنل تائیوان نارمل یونی ورسٹی کے ماہرین نے دعوی کیا ہے کہ اب وہ ایسا مترجم نظام بنانے میں کامیاب ہوگئے ہیں جس سے آپ بچے کے رونے کی آواز کو الفاظ میں ڈھال کر اس کو سمجھنے کے قابل ہوجائیں گے۔ رپورٹ کے مطابق یہ جدید نظام بچوں کے رونے کی آوازسے فریکوئینسی کا ایک خاص پیٹرین لے کر اس کو ڈیٹا بیس موجود مختلف آوازوں سے میچ کرتا ہے۔ ابتدائی تحقیق میں یہ بتایا گیا ہے کہ یہ نظام آپ کے بچے کی صحت کے بارے میں بھی معلومات فراہم کرتا ہے کہ آیا اس کو ڈاکٹر کی ضرورت ہے یا نہیں۔
سسٹم کو بنانے والے ماہرین کا کہنا ہے کہ اس میں کوئی شک نہیں کہ والدین خصوصا ماں گزرتے وقت کے ساتھ اپنے بچے کے رونے کی وجہ جان کر اس کے مطابق عمل کرتی ہے لیکن ایسا بالکل ممکن ہے کہ کبھی کبھی بچے کے رونےکی اصل وجہ معلوم نہیں ہوپاتی ، خوش قسمتی سے جدید ٹیکنالوجی نے یہ ممکن کردکھایا ہے۔ ان کا کہنا تھا کہ مستقبل قریب میں والدین اس ٹیکنالوجی پر اعتماد کرنا شروع کردیں گے جس نے ان کو بچوں کی نگہداشت میں مدد ملے گی۔

Read 738 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto