فلم میں باپ کی کردار کشی پر بیٹے کا شاہ رخ کے خلاف 101 کروڑ ہرجانے کا دعویٰ

ہفتہ, 30 اپریل 2016 21:32

احمد آباد: بالی ووڈ کے کنگ شاہ رخ خان کی نئی آنے والی فلم ’’رئیس‘‘ تکمیل سے قبل ہی مشکلات کا شکار ہوگئی کیونکہ فلم کی کہانی کے مرکزی کردار گجراتی گیگنسٹر عبدالطیف کے بیٹے مشتاق نے 101 کروڑ روپے ہرجانے کا دعویٰ دائر کردیا ہے۔

بالی ووڈ اسٹار شاہ رخ خان کی والی فلم ’’رئیس‘‘  گجراتی گینگسٹر عبدالطیف کی زندگی پر مبنی ہے جس میں شاہ رخ خان مرکزی کردار ادا کررہے ہیں جب کہ گینگسٹر عبدالطیف کے بیٹے مشتاق نے فلم کے خلاف حکم امتناع کی درخواست دائر کرتے ہوئے 101 کروڑ روپے ہر جانے کا دعویٰ کیا ہے جس کے باعث فلم اپنی تکمیل سے قبل ہی مشکلات کا شکار ہوگئی ہے۔

میڈیا رپورٹس کے مطابق گینگسٹر کے بیٹے کی جانب سے دائر درخواست میں کہا گیا ہے کہ فلم کے دوسرے حصے میں ان کے والد کے کردار کو غلط رنگ میں پیش کیا ہے جس سے ان کے خاندان کی عزت کو شدید نقصان پہنچا ہے لہٰذا فلم کے خلاف حکم امتناع جاری کیا جائے اور ہتک عزت پر 101 کروڑ روپے ہرجانہ دیا جائے۔ عدالت نے درخواست سماعت کے لیے منظور کرکے شاہ رخ خان کی پروڈکشن کمپنی ریڈ چلیز اور فلم ڈائریکٹر راہول ڈھولکیا کی کمپنی ایکسل انٹرٹینمنٹ کو نوٹس جاری کرتے ہوئے 11 مئی تک جواب طلب کیا ہے۔

واضح رہے کہ شاہ رخ خان کی فلم ’’رئیس‘‘ 3 جولائی کو ریلیز کی جائے گی جب کہ فلم میں ان کے مدمقابل نواز الدین صدیقی اور پاکستانی اداکارہ ماہرہ خان نے مرکزی کردار ادا کیا ہے۔

Read 2640 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto