ہندوستانی فوجیوں کی تلاش، پاکستانی پیشکش مسترد

جمعہ, 05 فروری 2016 09:53

ہندوستانی فوج نے سیاچن گلیشئر پر برفانی تودے تلے دب کر لاپتہ ہونے والے 10 اہلکاروں کی تلاش کے لیے پاکستانی فوج کی مدد کی پیشکش کو قبول کرنے سے انکار کردیا۔

ہندوستانی فوج کے ذرائع کے مطابق پاکستان کے ڈائریکٹر جنرل ملٹری آپریشنز (ڈی جی ایم او) میجر جنرل عامر ریاض نے اپنے ہندوستانی ہم منصب سے ٹیلی فونک رابطہ کیا اور انہیں ہندوستانی فوجی اہلکاروں کی تلاش کے لیے مدد کی پیشکش کی۔

تاہم ہندوستان کے ڈی جی ایم او لیفٹیننٹ جنرل رنبیر سنگھ نے ان کی یہ پیشکش قبول کرنے سے انکار کرتے ہوئے کہا کہ لاپتہ اہلکاروں کی تلاش کے لیے پہلے ہی ضروری اقدامات اٹھائے جاچکے ہیں۔

دوسری جانب کئی گھنٹوں کے ریسکیو آپریشن کے بعد بھی ہندوستانی فوجی اہلکاروں کو تلاش نہیں کیا جاسکا، جس کے بعد ہندوستانی فوج کی جانب سے جاری بیان میں کہا گیا کہ اب اہلکاروں کے زندہ ملنے کے امکانات معدوم ہوچکے ہیں۔

واضح رہے کہ سیاچن گلیشئر پر ڈیوٹی انجام دینے ہندوستانی فوج کے 10 اہلکار دو روز قبل برفانی تودے دب کر لاپتہ ہوگئے تھے۔

ہندوستان فوج کے ترجمان کرنل ایس ڈی گوسوامی کا کہنا تھا کہ فوجی اہلکار 19 ہزار فٹ کی بلندی پر واقع گلیشیئر کی جنوبی پوسٹ پر ڈیوٹی سرانجام دیتے ہوئے برفانی تودے تلے دب کر لاپتہ ہوئے۔

ان کا کہنا تھا کہ اہلکاروں کی تلاش کے لیے فوج اور فضائیہ کی خصوصی ٹیموں نے آپریشن کا آغاز کردیا ہے۔

گزشتہ روز پاکستان کی جانب سے فوجی اہلکاروں کی تلاش کے لیے ہندوستان کو مدد کی پیشکش کی گئی تھی۔

Read 248 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto