بلاآخر صنم بلوچ نے "استخارہ" شروع کردیا

پیر, 24 اپریل 2017 22:54

اسلام آباد: معروف ٹی وی ہوسٹ و اداکارہ صنم بلوچ نے ایک بار پھر ڈراموں میں کام کرنے کی تیاری کرلی، انہوں نے اداکار فہد مصطفیٰ کے پروڈکشن ہاﺅس کے تحت بننے والے ڈرامہ سیریل ” استخارہ“ کی عکسبندی شروع کرادی ہے۔نجی ٹی وی ڈان نیوز کے مطابق اداکارہ صنم بلوچ گزشتہ کئی سالوں سے اے آروائی نیوز پر مارننگ شو ہوسٹ کر رہی ہیں جس کی وجہ سے انہوں نے اداکاری سے کنارہ کشی اختیار کرلی تھی۔ انہوںنے آخری بار ڈرامہ سیریل ” ایک تھی مریم“ میں کام کیا تھا جس کے بعد سے وہ ڈراموں سے غائب رہیں اور ساری توجہ اپنے مارننگ شو پر مرکوز رکھی۔ لیکن اب ایک بار پھر انہوں نے اداکار فہد مصطفیٰ کی پروڈکشن کمپنی ”بگ بینگ پروڈکشن“ کے بینر تلے بننے والے ڈرامہ سیریل ” استخارہ“ کے ذریعے چھوٹی سکرین پر بطور اداکارہ واپسی کی تیاریاں مکمل کرلی ہیں اس ڈرامہ میں وہ مرکزی کردار ادا کرتی ہوئی نظر آئیں گی۔ ڈرامہ سیریل ” استخارہ“ کی کہانی نائلہ انصاری نے تحریر کی ہے جبکہ صنم بلوچ کے ساتھ مرکزی کردار میں معروف اداکار و ڈائریکٹر سرمد کھوسٹ اداکاری کے جوہر دکھائیں گے۔ صنم بلوچ کا کہنا ہے کہ اس ڈرامے میں وہ ایک ایسی لڑکی کا کردار ادا کر رہی ہیں جس کی کالج کی تعلیم مکمل ہوتے ہی اس کی ایک بڑی عمر کے مرد کے ساتھ شادی کردی جاتی ہے۔ یہ ڈرامہ سیریل 25 قسطوں پر مشتمل ہو گا جسے اے آروائی نیوز پر نشر کیا جائے گا۔ ڈرامہ سیریل میں اداکار شہروز سبزواری، کرن عباسی اور شمیم جلالی بھی کام کریں گے۔

Read 4518 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto