آکسفورڈ یونیوسٹی نے اپنا ایک ریہرسل روم راحت فتح علی خان کے نام کردیا

ہفتہ, 29 اپریل 2017 22:16

اسلام آباد: نامورگلوکار راحت فتح علی خان کی فنی صلاحیتوں کا اعتراف کرتے ہوئے آکسفورڈ یونیورسٹی نے اپنا ایک ریہرسل روم معروف پاکستانی گلوکار کے نام سے منسوب کردیا ہے، وہ جنوبی ایشیا کے پہلے فنکار ہیں جنہیں یہ اعزازحاصل ہوا۔ تفصیلات کے مطابق راحت فتح علی خان کی آواز کو برطانیہ کی نامور ترین یونیورسٹی نے ادارے کے طور پر تسلیم کر لیا ہے اور ریہرسل روم ان کے نام سے منسوب کرنے کا اعلان کیا ہے، اس حوالے سے راحت فتح علی خان خصوصی کمرے کے افتتاح کے لیے خود بہت جلد برطانیہ روانہ ہوں گے جہاں 25 مئی کو افتتاحی تقریب کے بعد کنسرٹ بھی منعقد کیا جائے گا۔ کنسرٹ میں پاکستانی گلوکار قوالی کے6 سو برس قدیم فن کا جادو جگائیں گے۔ راحت فتح علی اپنے استاد نصرت فتح علی خان کا ہارمونیم بھی اس موقع پر یونیورسٹی کوتحفے میں دیں گے۔ اس اقدام پر برطانوی یونیورسٹی کی انتظامیہ کا کہنا ہے کہ میوزک روم کا نام راحت فتح علی خان کے نام سے منسوب کرنا یونیورسٹی کی جانب سے موسیقی کو سراہنے کا پہلا قدم ہے۔ واضح رہے کہ گزشتہ دنوں راحت فتح علی خان نے آکسفورڈ یونیورسٹی کا دورہ کیا تھا جہاں میوزیکل ایونٹ کا انعقاد کیا گیا تھا۔

Read 817 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto