بلوچستان، کوہلو میں سرچ آپریشن، کالعدم تنظیم کے 8 ارکان گرفتار

پیر, 03 جولائی 2017 20:50

کوئٹہ: بلوچستان کے ضلع کیچ میں فائرنگ سے ایک سکیورٹی اہلکار زخمی ہوگیا، جبکہ کوہلو میں سرچ آپریشن کے دوران کالعدم تنظیم کے آٹھ ارکان کو گرفتار کرکے اسلحہ برآمد کر لیا گیا۔ سکیورٹی ذرائع کے مطابق ضلع کیچ کے علاقے بلنگور میں سورک کے مقام پر ایف سی کے قافلے پر نامعلوم افراد نے فائرنگ کر دی۔ جس کے نتیجے میں ایک سپاہی خالد، پاؤں میں گولی لگنے سے زخمی ہوا۔ جوابی فائرنگ پر ملزمان فرار ہوگئے۔ واقعہ کے بعد ایف سی نے ملزمان کی گرفتاری کیلئے علاقے میں سرچ آپریشن کیا، تاہم کوئی گرفتاری عمل میں نہیں لائی جاسکی۔ زخمی اہلکار کو ابتدائی طبی امداد کے بعد ڈسٹرکٹ ہیڈکوارٹر اسپتال تربت منتقل کیا گیا۔

ادھر ضلع کوہلو کے علاقے سوری کور میں ایف سی نے خفیہ اطلاع پر سرچ آپریشن کیا گیا۔ پاک فوج کے شعبہ تعلقات عامہ (آئی ایس پی آر) کے مطابق آپریشن کے دوران کالعدم تنظیم کے آٹھ کارندوں کو گرفتار کیا گیا۔ جن کے قبضے سے تین کلاشنکوف، پانچ بندوقیں، اٹھارہ میگزین اور ہزاروں گولیاں بھی برآمد کی گئیں۔ آئی ایس پی آر کے مطابق گرفتار ملزمان گذشتہ روز مچھ میں ریلوے پٹڑی پر بم نصب کرنے میں بھی ملوث تھے۔

Read 224 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto