پاک ایران وفود کا باہمی تجارتی مسائل کو حل کرنے پر اتفاق

جمعرات, 03 اگست 2017 20:40

تفتان: ایران کے شہر زاہدان میں ایران کے صوبہ سیستان بلوچستان کے گورنر جنرل علی اوسط ہاشمی اور پاکستان کے صوبہ بلوچستان کے وفد کے درمیان پانچویں جوائنٹ بارڈر ٹریڈ کمیٹی میٹنگ کا انعقاد ہوا۔ جس میں بلوچستان کے وفد کے سربراہ کلکٹر کسٹم ڈاکٹر سعید جدون، ایوان صنعت و تجارت کوئٹہ بلوچستان کے صدر حاجی عبدالودود اچکزئی اور پیٹرن ان چیف غلام فاروق خان کی قیادت میں چیمبر کے اراکین جمعہ خان بادیزئی، حاجی عبدالرحمٰن شاہ آغا، محمد ایوب، حاجی فتح خان، حاجی ظاہر اچکزئی، حاجی فضل اچکزئی، جاوید احمد و دیگر ممبران اور آفیسران پر مشتمل وفد نے شرکت کی۔ دونوں ممالک اور خاص کر بلوچستان اور سیستان بلوچستان کے تجارت سے وابستہ افراد کے تجارتی اور دیگر مسائل پر تفصیلی غور و غوض کیا گیا۔ اجلاس کے دوران ایوان صنعت و تجارت کوئٹہ کے صدر حاجی عبدالودؤد اچکزئی اور پیٹرن ان چیف غلام فاروق خان نے کوئٹہ چیمبر آف کامرس اینڈ انڈسٹری کی جانب سے منٹس پیش کئے۔

انہوں نے کہا کہ بلوچستان کے تجارت سے وابستہ افراد اپنے ہمسائیہ برادر ملک ایران اور سیستان و بلوچستان کے ساتھ دو طرفہ تجارت کا فروغ چاہتے ہیں۔ تاہم اس سلسلے میں امپورٹرز اور ایکسپورٹرز کو مشکلات بھی درپیش ہیں۔ جنہیں وہ اس سے قبل بھی ایرانی حکام کے سامنے وقتاً فوقتاً اٹھاتے رہے ہیں۔ انہوں نے تفتان گیٹ ٹائمنگ میں اضافے کا بھی مطالبہ کیا۔ اس موقع پر ایرانی وفد کیجانب سے بلوچستان کے وفد کو یقین دہانی کرائی گئی کہ نہ صرف تفتان گیٹ کے اوقات کار بڑھائے جائیں گے، بلکہ چیمبر کی جانب سے پیش کئے گئے منٹس پر عمل درآمد کو بھی یقینی بنایا جائے گا۔ اس موقع پر دونوں وفود کی جانب سے اس عزم کا اظہار کیا گیا کہ پاکستان اور ایران کے درمیان مقرر کردہ تجارتی حجم کے ہدف تک پہنچنے کی ہر ممکن کوشش کی جائے گی۔ اس سے دونوں ممالک اور صوبوں کے درمیان تاریخی، ثقافتی اور اسلامی رشتے مضبوط ہوں گے۔

Read 213 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto