ورلڈ ٹی 20 میں میچ فکسنگ کی تیاری، وہ ملک جس کی قومی کرکٹ ٹیم کے خلاف تحقیقات کا آغاز ہو گیا

پیر, 07 مارچ 2016 16:57

لاہور : آئی سی سی اینٹی کرپشن یونٹ کے چیئرمین ”سر رونی فلانیگین“ نے انکشاف کیا ہے کہ ورلڈ ٹی 20 سے قبل ایک انٹرنیشنل کرکٹ ٹیم کے خلاف کرپشن کے الزامات میں تحقیقات کی جا رہی ہیں۔ تفصیلات کے مطابق رونی فلانیگین نے ایک پریس کانفرنس کے دوران انکشاف کیا کہ آئی سی سی کے اینٹی کرپشن یونٹ نے ایک انٹرنیشنل ٹیم کے چند کھلاڑیوں کے خلاف تحقیقات کا آغاز کر کے ورلڈ ٹی 20 کے میچوں میں سٹے بازوں کو فائدہ پہنچانے کیلئے میچوں کے نتائج میں ردوبدل کی کوششوں کو ناکام بنایا ہے۔

انہوں نے اس معاملے پر مزید گفتگو کرنے سے گریز کیا تاہم انہوں نے اس اقدام کو ایک مثال قرار دیا کہ کس طرح آئی سی سی اینٹی کرپشن یونٹ کرکٹ میں کرپشن کی روک تھام کیلئے انٹیلی جنس معلومات پر اقدامات اٹھاتے ہوئے فعال کردار ادا کر رہا ہے۔ ان کا کہنا تھا کہ ”ورلڈ ٹی 20 کے میچوں میں سٹے بازی سے متعلق جاری تحقیقات پر بات چیت کرنا میرے لئے مشکل ہو گا لیکن حال ہی میں ہمیں کچھ ایسی معلومات ملی ہیں جن کے تناظر میں یقینی طور پر کہا جا سکتا ہے کہ ایک مخصوص ٹیم کے کھلاڑی سٹے کیلئے میچوں کے نتائج میں ردوبدل کا ارادہ رکھتے ہیں۔ یہ ایک انٹرنیشنل ٹیم ہے لیکن فی الوقت اس سے متعلق کسی بھی تفصیلی گفتگو سے اجتناب کروں گا“۔

انہوں نے مزید کہا کہ ”ہمیں یقین ہے کہ چند افراد ورلڈ ٹی 20 کے میچوں میں سٹے بازوں کی سہولت کیلئے کردار ادا کرنے کی خواہش رکھتے تھے۔ جس طرح پولیس کسی بھی معاملے میں مداخلت سے پہلے یہ سوچتی ہے کہ اسے فوراً حرکت میں آنا چاہئے یا پھر پھر اسے مزید ڈویلپ ہونے دینا چاہئے، اسی طرح ہم نے بھی اس معاملے سے متعلق سوچا اور پھر فوراً اقدامات اٹھانے کافیصلہ کیا اور ان افراد پر توجہ مرکوز کرنے کافیصلہ کیا جو شک کے دائرے میں تھے لیکن اس کے ساتھ ہی ٹیم کے تمام ممبران کو عندیہ دینا بھی ضروری تھا“۔

فلانیگین نے مزید کہا کہ سٹے بازی کی روک تھام میں کھلاڑیوں کو پراعتماد بنانے کیلئے اینٹی کرپشن یونٹ ہر ملنے والی رپورٹ پر تحقیقات کرتا ہے۔ انہوں نے مزید کہا کہ ورلڈ ٹی 20 کے میچوں میں سٹے بازی کی روک تھام کیلئے ایک سپیشل ”ہاٹ لائن“ بھی قائم کر دی گئی ہے تاکہ کھلاڑی اور دیگر آفیشلز اینٹی کرپشن یونٹ تک رسائی حاصل کر سکیں اور یہ میری ذمہ داری ہے کہ اس بات کو یقینی بنایا جا سکے کہ اگر کوئی کھلاڑی یا آفیشل شکایت کرے تو اس پر تحقیقات کی جا سکیں۔

Read 425 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto