درگاہ فتح پور پر خودکش حملہ قابل مذمت ہے، بلوچستان نیشنل پارٹی

ہفتہ, 07 اکتوبر 2017 19:03

کوئٹہ: بلوچستان نیشنل پارٹی کے مرکزی بیان میں کہا گیا ہے کہ درگاہ فتح پور شریف خودکش حملے کی شدید الفاظ میں مذمت کرتے ہیں۔ 22 افراد کی شہادت اور درجنوں لوگوں کا زخمی ہونا قابل مذمت عمل ہے۔ گذشتہ ڈیڑھ سال میں درگاہ شاہ نورانی، سول ہسپتال اور پی ٹی سی کالج جیسے سانحات رونما ہوچکے ہیں۔ کوئٹہ سے جاری بیان میں بی این پی کے ترجمان نے کہا ہے کہ موجودہ حکمرانوں کے دور میں پے در پے واقعات سے بلوچستان کا ہر مکتبہ فکر متاثر ہوا ہے۔ مقدس مقامات بھی اس سے محفوظ نہیں رہے۔ حکومت اپنی ناکامی کو ماننے سے انکاری ہے۔ بڑے واقعات کی لفاظی حد تک مذمت کا عمل جاری ہے۔ گذشتہ روز کے واقعہ میں زخمی افراد کے علاج معالجے کیلئے اقدامات کئے جائیں، کیونکہ جھل مگسی بلوچستان کے عوام پہلے ہی کسمپرسی کا شکار ہیں۔ زخمی افراد میں اتنی سکت نہیں کہ وہ اپنا علاج کروا سکیں۔ بڑے بڑے دعوؤں سے معاملات حل نہیں ہوسکتے، جن بھی زخمی ہیں ان کو بہتر سہولیات کی فراہمی کیلئے اقدامات کئے جائیں۔ موجودہ حکمران عوام کے جان و مال کے تحفظ میں ناکام ہوچکے ہیں۔ حالیہ واقعات میں ملوث سہولت کاروں کو کیفر کردار تک پہنچانے کے لئے اقدامات کئے جائیں۔ دہشت گردی کی روک تھام کیلئے دعوے تو ہر واقعے کے بعد کئے جائیں گے، مگر عملی طور پر اقدامات نہیں کئے جاتے۔ بلوچستان نیشنل پارٹی شہداء کے لواحقین کے غم میں برابر کی شریک ہے اور دعا کرتے ہیں کہ اللہ تعالٰی لواحقین کو صبر جمیل عطاء فرمائے اور جو زخمی ہیں، جلد اللہ تعالٰی صحت یابی نصیب فرمائے۔

Read 55 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto