گزین مری کی رہائی سے قبل دوبارہ گرفتاری توہین عدالت ہے، ارباب طاہر ایڈووکیٹ

بدھ, 11 اکتوبر 2017 16:56

کوئٹہ: نوابزادہ گزین مری کے وکیل ارباب طاہر ایڈووکیٹ نے کہا ہے کہ بلوچستان ہائیکورٹ کے حکم کے باوجود نوابزادہ گزین مری کو رہائی سے قبل حراست میں لینا توہین عدالت ہے اور ان کے خلاف کوئی کیس نہیں تھا۔ پولیس نے ایک سازش کے تحت انڈسٹریل تھانے میں ایف آئی آر کا بہانہ بنا کر گرفتار کر لیا۔ اس حوالے سے عدالت سے رجوع کریں گے۔ ان خیالات کا اظہار انہوں نے ہدہ جیل کے باہر میڈیا سے بات چیت کرتے ہوئے کیا۔ انہوں نے کہا کہ نوابزادہ گزین مری کو 2 کیسز کے بعد تین ایم پی او کے تحت گرفتار کرکے جیل منتقل کیا تھا۔ بلوچستان ہائیکورٹ سے رہا کرنے کے حکم کے باوجود پولیس نے پھر ان کو جیل کے اندر سے گرفتار کرکے توہین عدالت کی۔ پولیس حکام نے خود کہا کہ نوابزادہ گزین مری کیخلاف کوئی کیس نہیں ہے اور نہ ہی ان کیخلاف وارنٹ تھے۔ اب انڈسٹریل تھانہ میں 2015ء کی ایک ایف آئی آر میں گرفتار کرکے کہا گیا کہ ہم صرف اس کیس میں ان سے تفتیش کریں گے۔ نوابزادہ گزین مری کو جیل کے احاطے سے گرفتار کرکے پولیس نے بلوچستان ہائیکورٹ کے حکم کی توہین کی ہے اور میڈیا کے سامنے بھی ان کو بولنے نہیں دیا گیا۔

Read 139 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto