ذوالفقارعلی بھٹوکی برسی شایان شان انداز سے منانے کا فیصلہ

جمعرات, 10 مارچ 2016 12:54

پاکستان پیپلزپارٹی سندھ کونسل کا اجلاس پی پی سندھ کے صدرسید قائم علی شاہ کی زیر صدارت وزیراعلیٰ ہاوٴس میں منعقد ہوا۔

اجلاس میں 4اپریل 2016کو قائد عوام اور پارٹی کے بانی چیئرمین شہید ذوالفقار علی بھٹو کی 37ویں برسی کی تیاریوں اور انتظامات پرغوروخوص کیا گیا۔

اجلاس میں سینیٹر تاج حیدر، جام مہتاب ڈھر، آغا سراج درانی،سینیٹر ہری رام ، سینیٹرعاجزدھامرہ ، پروفیسراین ڈی خان اراکین قومی و صوبائی اسمبلی اورسینیٹ اراکین نے شرکت کی۔

اجلاس میں فیصلہ کیا گیا کہ 4اپریل کو شہید ذوالفقار علی بھٹو کی 37ویں برسی کے موقع پر گڑھی خدا بخش لاڑکانہ میں عظیم الشان جلسہ عام منعقد ہوگا جس میں لاکھوں کی تعداد میں عوام شرکت کریں گے اور جلسے سے پارٹی کے چیئرمین بلاول بھٹو زرداری اور دیگر مرکزی رہنما اور پارٹی کے صوبائی صدور خطاب کریں گے۔

اجلاس میں تمام ضلعی تنظیموں اور تمام ذیلی تنظیموں کو ہدایت کی گئی کہ وہ اپنے اپنے اضلاع کے جنرل باڈیز اجلاس کر کے برسی میں شرکت کے پروگرام کو حتمی شکل دیں اور قافلوں کی شکل میں گڑھی خدابخش پہنچیں۔

وزیراعلیٰ سندھ نے کہا کہ صدارتی نظام کی باتیں کرنے والے احمقوں کی جنت میں رہتے ہیں ملک کا نظام پارلیمانی ہے اور پارلیمانی ہی رہے گا۔

انہوں نے کہا کہ شہید بھٹو نے اصولوں کی خاطر اپنی جان قربانی کی اور آمر جنرل ضیاالحق کے سامنے سر نہیں جھکایا اور تاریخ میں امر ہوگئے۔

Read 315 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto