زرداری کی واپسی جنر ل راحیل کی ریٹا ئر منٹ کے بعد ہو گی

ہفتہ, 12 مارچ 2016 17:50

لاہور : سینئر تجزیہ کار کامران خان نے کہا ہے کہ سابق صدر آصف علی زرداری کی وطن واپسی آ رمی چیف جنرل راحیل شریف کی ریٹائرمنٹ کے بعد ہو گی۔ سابق صدر نے گزشتہ تین دن میں2انٹرویوز دیئے جن میں وہ ہشاش بشاش نظر آئے۔نجی ٹی وی کے پروگرام  میں گفتگو کرتے ہوئے میزبان نے کہاکہ آصف زرداری کی وہی پرانی مسکراہٹ اور چبھتے جملے پھر سامنے آئے ہیں۔وہ اب بھی عملی طور پر پیپلز پارٹی کے سربراہ ہیں اور سیاست میں بھی فعال رہنا چاہتے ہیں۔ سیاست سے انہوں نے قطع تعلق نہیں کیانہ کرنا چاہتے ہیں۔
انہوں نے کہا کہ وہ پارٹی کے مستقبل کے حوالے سے پر امید ہیں مگر وہ چاہتے ہیں کہ جون 2015ءکی تقریر کے” اینٹ سے اینٹ بجا دینے“ والے حصے کی وضاحت کی جائے جس کا سب سے زیادہ شور سنائی دیا۔اندازہ یہ ہے کہ وہ چاہتے ہیں کہ تحفظات دور ہونے کے بعد ان کے پاکستان واپس آنے کی راہ بھی ہموار ہو۔
پاکستان واپسی کیلئے ابھی تک ان کے ذہن میں کوئی حتمی تاریخ نہیں ہے اس سے پہلے وہ چاہتے ہیں کہ بلاول بھٹو کو پیپلز پارٹی کے حقیقی سربراہ کے طور پر تسلیم کیا جائے۔اس حوالے سے ان کا اصرار ہے کہ انہوں نے اختیارات بلاول بھٹو زرداری کو سونپ دیئے ہیں۔

Read 383 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto