سعودی عرب میں امام مسجد کا جمعہ کی نماز کے موقع پر ایسا خطبہ کہ ہنگامہ برپا ہو گیا

پیر, 28 مارچ 2016 14:33

سعودی عرب کے جنوب مغربی شہر البحاح(Al-Bahah) میں ایک امام مسجد نے خطبہ جمعہ المبارک میں ایسے متنازعہ فقرے بول دیئے ہیں جس سے سعودی عرب میں ہنگامہ برپا ہو گیا ہے۔ عرب نیوز کی رپورٹ کے مطابق مسجد میں موجود نمازیوں کا کہنا تھا کہ ”خطیب نے خطبے کے دوران عوام کو گمراہی کے طعنے دیتے ہوئے توہین آمیز الفاظ استعمال کیے اور اپنے سامنے موجود خطبہ سننے والے افراد کو جانوروں سے تشبیہ دے ڈالی، جس پر وہ طیش میں آ گئے اور پولیس کو اس کی شکایت کر دی۔ خطیب نے کہا تھا کہ ”تم لوگ جانوروں کی طرح ہو، جو اپنے آپ اور اپنے ماحول سے بے خبر ہوتے ہیں اور بھٹک جاتے ہیں۔رپورٹ کے مطابق سعودی وزارت اسلامی امور نے واقعے کا سخت نوٹس لے لیا ہے اور خطیب کے خلاف انکوائری شروع کر دی گئی ہے۔ وزارت کی البحاح برانچ کے ڈائریکٹر فہید البرقی(Fahaid Al-Barqi) کا کہنا تھا کہ ”اگر خطیب پر عائد کیے گئے الزامات درست ثابت ہوئے تو اس کے خلاف سخت کارروائی عمل میں لائی جائے گی۔ واضح رہے کہ سعودی عرب میں خطیبوں کو خطبے کے دوران کسی بھی شخص کو ذاتی حیثیت میں ہدف تنقید بنانے کی اجازت نہیں ہے اور اس کی خلاف ورزی کرنے پر انہیں سزائیں دی جاتی ہیں

Read 246 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto