عمران خان کے ہاتھ سے وزیراعظم بننے کی لکیر مٹ چکی، رانا ثنااللہ

جمعرات, 12 مئی 2016 17:08

لاہور: وزیر قانون پنجاب رانا ثنا اللہ کا کہنا ہے کہ چیئرمین تحریک انصاف عمران خان کا غیر سنجیدہ رویہ قوم کے سامنے ہے ان کے ہاتھ سے وہ لکیر مٹ چکی ہے جس سے وہ برسراقتدارآنا چاہتے ہیں۔

لاہورمیں میڈیا سے بات کرتے ہوئے رانا ثنااللہ کا کہنا تھا کہ عمران خان پاناما لیکس پر پہلے کہتے تھے کہ پارلیمانی کمیٹی بنا دی جائے، پھرکہا شعیب سڈل کی سربراہی میں کمیشن بنا دیا جائے جس کے بعد انہوں نے چیف جسٹس کو خط لکھنے کا کہا اور جب چیف جسٹس کو خط لکھ دیا گیا تو اب کہتے ہیں کہ وزیراعظم پارلیمنٹ میں آکر جواب دیں۔ انہوں نے کہا کہ عمران خان نے کل بنوں میں چیئرمین نیب کو للکارا اور کہا کہ پاناما لیکس پر نیب کو کام کرنا چاہیئے، چیئرمین پی ٹی آئی اس سے پہلے جو کہتے رہے ہیں اس سے بھی قوم آگاہ ہے اور اگران کا ایجنڈا بدکلامی ہے تو پھر آپ روز نئے دلائل دیں گے۔

وزیرقانون پنجاب کا کہنا تھا کہ پارلیمنٹ کے ممبرسب برابر ہیں، ان میں سے اگر کوئی منسٹریا پرائم منسٹربنتا ہے تو وہ بنیادی طورپراس ہاؤس کا ممبرہوتا ہے، اگر پاناما لیکس کی تحقیقات پر شور کرنے والے مخلص ہوتے تو وہ کہتے کہ ملک سے کرپشن اور لوٹ مارختم کے لئے قانون سازی کی جائے۔

Read 362 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto