عازمین حج پر پابندی نہیں لگائی،ایرانی حکام اللہ اور پوری دنیا کو جوابدہ ہوں گے

منگل, 17 مئی 2016 17:17

سعودی عرب اور ایران میں بڑھتی ہوئی کشیدگی کے بعد ایرانی عازمین حج کی پابندی کی خبروں پر سعودی عرب اور ایران سے متضاد بیانات کی آمد کا سلسلہ جا ری ہے۔سعودی عرب نے ایران کے ان الزامات کی واضح تردید کر دی ہے کہ سعودی عرب نے ایرانی عازمین حج کی سعودی عرب آمد پر پابندی لگائی ہے۔
اس حوالے سے حالیہ بیان سعودی عرب کی کابینہ کی طرف سے سامنے آیا ہے۔کابینہ کا کہناہے کہ اس نے کسی مسلمان کو مقدس سرزمین میں حج اور عمرے کیلئے آنے سے نہیں روکا ۔ سعوی کابینہ کا کہنا ہے کہ سعودی عرب اس بات کیلئے کوشاں ہے کہ وہ دنیا بھر سے تعلق رکھنے والے مسلمانوں کی حج وعمرہ کی ادائیگی کیلئے حجاز مقدس آمد یقینی بنائے ۔
العریبیہ کے مطابق سعودی کابینہ کا اجلاس شاہ سلمان بن عبدالعزیز کی صدارت میں ہوا جس میں کابینہ نے ایران کی جانب سے اپنے شہریوں پر حج کرنے پر پابندی عائد کرنے کی مخالفت کی گئی ۔ کابینہ نے واضح کیا کہ سعودی مملکت تمام قوموں سے تعلق رکھنے والے عازمین حج اور عمرہ کی خدمت کو اپنے لیے ایک اعزاز سمجھتی ہے اور ان کے خیرمقدم کے لیے ہمہ وقت تیار ہے۔
کابینہ کو بتایا گیا کہایرانی حکام سے ہونے والے اجلاس کے دوران ایرانی وفد نے عازمین حج کے انتظامات سے متعلق سمجھوتے کے مندرجات پر دستخط کرنے سے انکار کردیا تھا اور یہ کہ ایرانی حکام نے ایرانی شہریوں کو حج کے لیے آنے سے روکنے کا ازخود فیصلہ کیا ہے اور وہ اس پر اللہ تعالیٰ اور پوری دنیا کے سامنے جواب دہ ہوں گے

Read 715 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto