وزیرِ اعظم میاں نوازشریف ایک بار پھر طبی معائنے کے لیے لندن روانہ

اتوار, 22 مئی 2016 14:09

پاکستان کے وزیرِ اعظم میاں محمد نواز شریف آج طبی معائنے کے لیے لندن روانہ ہوگئے،وزیر اعظم کی اہلیہ کلثوم نواز اور صاحبزادے حسین نواز بھی اُن کے ہمراہ ہیں۔

تفصیلات کے مطابق وزیرِ اعظم پاکستان میاں محمد نواز شریف اپنی اہلیہ کلثوم نواز اور صاحبزادے حسین نواز کے ہمراہ اپنے طبی معائنے کے لیے لندن روانہ ہوگئے،روانگی سے قبل لاہور ائیرپورٹ وزیراِعظم سے اُن کے بھائی اور پنجاب کے وزیر اعلیٰ میاں محمد شہباز شریف نے ملاقات کی،اور موجودہ سیاسی حالات پر تبادلہ خیال کیا۔

یاد رہے پانامہ لیک کے بعد یہ وزیر اعظم کی دوسری بار بیرون ملک روانگی ہے،حکومتی حکام کا کہنا ہے کہ وزیر اعظم کا طبی معائنہ کا شیڈول پہلے ہی سے طے تھا،تاہم سیاسی حلقے ان اچانک دوروں کو پانامہ لیک کی وجہ سے قرار دے رہے ہیں۔

پانامہ پیپرز میں وزیرِاعظم کے بچوں کے نام آنے کے بعد وہ اپوزیشن کی جانب سے دباؤ کا شکار ہیں،اس سلسلے میں دو بار قوم سے براہ راست ٹی وی خطاب بھی کر چکے ہیں،اور متحدہ اپوزیشن کے مطالبے پر پارلیمنٹ میں آکر خطاب بھی کرنا پڑا تھا

یاد رہے اس سے قبل وزیرِ اعظم پاکستان میاں محمد نواز شریف گزشتہ ماہ اپریل میں بھی طبی معائنے کے لیے لندن گئے تھے

Read 342 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto