امریکا میں شدید برفانی طوفان آنے کا خطرہ، وارننگ جاری

جمعہ, 22 جنوری 2016 19:35

 واشنگٹن: (ویب ڈیسک) غیر ملکی خبر رساں ادارے کے مطابق امریکی حکام نے اپنے وارننگ جاری کرتے ہوئے شہریوں کو خطرناک برفانی طوفان سے خبردار کیا ہے۔ محکمہ موسمیات کا کہنا ہے کہ اس ہفتے کے اختتام تک تیز ہواؤں کے ساتھ برفباری کی توقع ہے۔ امریکی دارالحکومت واشنگٹن ڈی سی، میری لینڈ، ورجینیا، فیلاڈیلفیا، نیو جرسی اور نیویارک میں شدید برف باری جبکہ امریکا کی جنوبی ریاستوں میں طوفان آنے کی پیش گوئی کی گئی ہے۔ حکام کا کہنا ہے کہ طوفان کے دوران بجلی کی فراہمی، ٹرین اور فضائی سروس بھی متاثر ہو سکتی ہے۔ اس پیشنگوئی کے بعد امریکا کی مشرقی ساحلی ریاستوں میں دکانوں پر عوام کی لمبی قطاریں دیکھی گئی ہیں جبکہ دکانوں پر اشیائے خورونوش کی قلت پیدا ہو گئی ہے۔

امریکی محکمہ موسمیات نے خبردار کیا ہے کہ تیز ہواؤں کے ساتھ ہونے والی برفباری سے خطرات پیدا ہو سکتے ہیں اس لئے شہری گھروں سے نکلنے سے احتیاط برتیں۔ محکمہ موسمیات نے شہریوں کو تنبیہ کرتے ہوئے کہا ہے کہ برفانی طوفان سے ریکارڈ برف پڑنے کا امکان ہے۔ اس طوفان سے بعض علاقوں میں چند گھنٹے کے دوران تقریبا دو فٹ تک برف پڑنے کا امکان ہے۔ تیز ہوا کے ساتھ اڑنے والی برف سے خطرناک صورت حال پیدا ہونے کا امکان ہے جو زندگی اور جائیداد کے لیے خطرہ بن سکتی ہے۔ 

Read 191 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto