اقوام متحدہ نے شام میں اپنی غیر جانبداری کھو دی ہے

جمعہ, 17 جون 2016 05:13

شام کے تنازع سے متعلق جاری ہونے والی ایک رپورٹ میں اقوام متحدہ پر اپنے ہی اصولوں کی خلاف ورزی کرنے کا الزام عائد کیا گیا ہے۔

رپورٹ میں کہا گیا کہ اقوام متحدہ شام میں امداد کی فراہمی کے عمل پر حکومت کو کنٹرول کی اجازت دیتا ہے۔

شام میں 50 سے زائد انسانی حقوق اور سول سوسائٹی گروہوں نے اس رپورٹ کی حمایت کی ہے جس کے مطابق اقوامِ متحدہ نے باغیوں کے زیرِ قبضہ علاقوں میں مدد فراہم کرنے کے مطالبات کو منظور نہیں کیا۔

رپورٹ میں الزام عائد کیا گیا ہے کہ اس وجہ سے شام میں ہزاروں عام افراد کی ہلاکتیں ہوئیں۔

دوسری جانب اقوامِ متحدہ کا کہنا ہے کہ ’اس رپورٹ میں قومی اور بین الاقوامی امدادی کارکنوں کے کام کو بدنام کیا گیا ہے۔

اقوامِ متحدہ کے سیکریٹری جنرل بان کی مون کے ترجمان سٹیفن ڈوجارک نے خبر رساں ادارے اے پی کو بتایا کہ ادارے نے شام کے تنازع کے فریقین کو جن میں شامی حکومت بھی شامل ہے ادارے کی جانب سے شام میں جاری امدادی کاموں میں کبھی بھی رکاوٹ ڈالنے کی اجازت نہیں دی۔

شام میں اقوامِ متحدہ کی کارروائیوں سے متعلق یہ رپورٹ بدھ کو ایک گروپ ’سیریا کیمپین‘ کی جانب سے شائع کی گئی ہے۔ یہ گروپ خود کو شام کے پر امن اور جمہوری مستقبل کے لیے ایک بین الاقوامی ایڈوکیسی گروپ کہلواتا ہے۔

یہ رپورٹ شام میں کام کرنے والے 50 سے زائد امدادی کارکنوں کے انٹرویوز پر مشتمل ہے۔

رپورٹ کے مطابق شامی حکومت کے خلاف بغاوت کے آغاز میں حکومتی محاصرے میں موجود جنوبی شہر داریا میں امدادی ایجنسیوں کی جانب سے امداد فراہم کرنے کی کوشش کی صورت میں حکومت نے اقوامِ متحدہ کو شام کے اندر کام کرنے کی اجازت کو ختم کرنے اور اس کے غیر شامی عملے کے ویزوں کو ختم کرنے کی دھمکی دی۔

رپورٹ کے مطابق شامی حکومت نے اقوامِ متحدہ کی جانب سے کسے اور کب امداد فراہم کرنی کی کوشش کے دوران اس دھمکی کا تسلسل کے ساتھ استعمال کیا۔

رپورٹ میں دعویٰ کیا گیا ہے کہ اقوامِ متحدہ کی امدادی ایجنسیوں نے شامی حکومت کے ساتھ تعاون کی اپنی شرائط پیش کرنے کی بجائے ’حکومتی رکاوٹوں کو قبول کیا‘ جس کی وجہ سے وہاں ’فرمابرداری کا کلچر‘ پیدا ہوا۔

رپورٹ کے مطابق اس عمل سے شامی حکومت کو باغیوں کے زیرِ قبضہ علاقوں میں امدادی ایجنسیوں پر ایک موثر کنٹرول حاصل ہو گیا اور حکومت نے محاصرے کو جنگ کے ہتھیار کے طور پر استعمال کیا۔

ورلڈ فوڈ پروگرام کے مطابق رواں برس اپریل میں صرف دمشق سے بھجوائی گئی صرف 12 فیصد خوراک پر مشتمل امداد حکومتی کنٹرول سے باہر کے علاقوں تک پہنچ سکی۔

واضح رہے کہ شام میں پانچ برس سے جاری لڑائی میں اب تک 250,000 سے زائد افراد ہلاک اور تقریباً ایک کروڑ 20 لاکھ نقل مکانی پر مجبور ہو چکے ہیں۔

Read 367 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto