بلوچستان میں دہشتگردی کے حالیہ واقعات داعش کی موجودگی کا واضح ثبوت ہیں، ملک عبدالولی کاکڑ

جمعرات, 15 جون 2017 02:35

کوئٹہ: بلوچستان نیشنل پارٹی کے قائمقام صدر ملک عبدالولی کاکڑ نے کہا ہے کہ بلوچستان میں حالیہ دہشت گردی کے واقعات نے ثابت کر دیا کہ ابھی بھی کالعدم تنظیمیں موجود ہیں۔ صوبائی وزیر داخلہ اور حکومتی ترجمان اپنی ناکامیوں کو چھپانے کیلئے داعش کے وجود سے انکاری ہیں۔ سریاب روڈ پر پولیس اہلکاروں کی ٹارگٹ کلنگ کی ذمہ داری بھی اسی تنظیم نے قبول کی۔ اپنے جاری کردہ بیان میں انہوں نے کہا کہ ماہ رمضان میں جس طرح کوئٹہ شہر میں دہشت گردی کے واقعات ہوئے اور ان تمام تر واقعات کی ذمہ داری داعش نامی تنظیم نے قبول کی۔ 

ان کا کہنا تھا کہ ان تمام تر صورتحال کے باوجود حکومتی نمائندے بلوچستان میں ان کے وجود سے انکاری ہیں۔ عوام کو حقائق سے آگاہ کیا جائے۔ حکومت عوام سے جھوٹ بول کر اپنی ناکامی چھپانے کی کوشش کر رہے ہیں۔ اس طرح کے حالات میں سچ بولنا ہوگا، کیونکہ سچ بولنے سے حقائق سامنے آجاتے ہیں۔ بلوچستان بھر میں داعش کی وال چاکنگ کی جا رہی ہے۔ تاہم اس تمام تر صورتحال کے باوجود حکومتی ترجمان اور وزیر داخلہ مذکورہ تنظیم کی موجودگی سے انکاری ہیں۔ ایک بار پھر بلوچستان کو تباہی کی طرف دھکیلا جا رہا ہے۔

Read 352 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto