مدرسے میں دستاربندی، کھانے سے 130 افراد بیمار

جمعرات, 19 مئی 2016 14:07

پاکستان کے صوبہ بلوچستان کے ایران سے متصل ضلع واشک میں مضر صحت کھانا کھانے سے ایک مدرسے کے طلبا سمیت 130 افراد متاثر ہوئے ہیں۔

واشک کی انتظامیہ نے اس واقعے کی تصدیق کرتے ہوئے کہا کہ متاثر ہونے والوں میں زیادہ تر مدرسے کے طالب علم ہیں جن میں سے 60 کی حالت تشویشناک ہے۔

یہ واقع ضلع کے علاقے ماشکیل میں پیش آیا۔

واشک انتظامیہ نے بتایا کہ ماشکیل ٹاؤن میں واقع ایک مدرسے میں دستار بندی کی تقریب منعقد ہوئی۔

ذرائع کا کہنا تھا کہ اس تقریب کے شرکا کو کھانا کھلانے کے لیے ایک اونٹ ذبح کرکے اس کے گوشت کا پلاؤ بنایا گیا تھا۔

ذرائع کے مطابق پلاؤ کھانے سے مجموعی طور پر 130 افراد متاثر ہوئے۔

ذرائع کا کہنا تھا کہ ماشکیل میں علاج معالجے کی بہتر سہولیات نہ ہونے کی وجہ سے متاثرین کو طبی امداد کی فراہمی میں شدید مشکلات کا سامنا کرنا پڑ رہا ہے۔

ذرائع نے بتایا کہ متاثرین کی جان بچانے کے لیے ماشکیل میں واقع ایف سی کی کیمپ کی مدد حاصل کی جارہی ہے۔

Read 513 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto