ٹویوٹا نے 14 لاکھ گاڑیاں واپس منگوا لیں

جمعرات, 30 جون 2016 02:45

گاڑیاں بنانے والی کمپنی مشہور جاپانی کمپنی ٹویوٹا نے اپنی گاڑیوں میں نصب ایئر بیگ کے نقص کی وجہ سے دنیا بھر سے 14 لاکھ 30 ہزار گاڑیاں واپس لینے کا اعلان کیا ہے۔

متاثرہ گاڑیوں میں پریئس اور لیکسز کے 2008 سے 2012 کے ماڈل شامل ہیں۔

گذشتہ سالوں میں ٹویوٹا اور دیگر گاڑیاں بنانے والی کمپنیوں کو جاپانی سپلایئر کمپنی ٹاکاٹا سے لیے گئے ایئر بیگز میں مسائل کے باعث لاکھوں گاڑیاں واپس منگوانا پڑیں ہیں۔

تاہم گاڑیاں منگوانے کے اس تازہ واقعے میں ٹاکاٹا کی مصنوعات شامل نہیں ہیں اور ایئر بیگز کے اس نقص کے باعث کسی شخص کی ہلاکت اور زخمی ہونے کا واقعہ پیش نہیں آیا ہے۔

جو گاڑیاں واپس منگوائی جا رہی ہیں ان میں سے 495,000 گاڑیاں شمالی امریکہ، 743,000 جاپان اور اس کے ساتھ ساتھ یورپ، چین اور دیگر ممالک میں فروخت کی گئی تھیں۔

امریکہ سے واپس منگوائی جانے والی گاڑیوں کے حوالے ایک بیان میں کمپنی کا کہنا ہے کہ ’گاڑیوں میں لگے ایئر بیگ میں چھوٹا سا کریک موجود ہو سکتا ہے جو وقت کے ساتھ پھیل جائے گا۔‘

’ایئر بیگ ٹکڑوں میں تقسیم ہونے کے بعد اس کے بعض حصے گاڑی کے اندر داخل ہو سکتے ہیں جس کی وجہ سے زخمی ہونے کا خطرہ بڑھ سکتا ہے۔‘

کہا جاتا ہے کہ سیفٹی آلات بنانے والی کمپنی ٹاکاٹا کے ناقص آلات کے وجہ سے حادثات میں 11 افراد ہلاک اور سو سے زائد زخمی ہوئے ہیں

Read 1251 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto