99 فیصد سینئر لیڈر شپ ریلی میں شریک نہیں، چوہدری نثار

جمعرات, 10 اگست 2017 21:44

اسلام آباد: سابق وزیر داخلہ چوہدری نثار نے کہا ہے کہ مسلم لیگ نون کی ننانوے فیصد سینئر لیڈر شپ ریلی میں شریک نہیں، لیکن صرف انہیں ہی متنازع کیوں بنایا جا رہا ہے۔ کہتے ہیں کسی کو نہیں کہا کہ کمر درد کی وجہ سے ریلی میں شامل نہیں ہو سکا نہ ہی عدم شرکت کی وجہ کمر درد ہے۔ ترجمان محمد اسلم شاہد کی طرف سے جاری کیے گئے بیان میں چوہدری نثار علی خان کا کہنا تھا کہ یہ انتہائی افسوس ناک امر ہے کہ میڈیا کے چند حلقے ان کے حوالے سے خود ہی خبر بناتے ہیں اور پھر خود ہی اس پر تبصرے شروع کر دیتے ہیں۔ نہ تو انہوں نے کسی کو یہ کہا کہ وہ کمر کے درد کی وجہ سے ریلی میں شامل نہیں ہو سکے اور نہ ہی ریلی میں عدم شرکت اس وجہ سے ہے۔ چوہدری نثار علی خان کا کہنا تھا کہ حقیقت یہ ہے کہ ننانوے فیصد سینئر لیڈرشپ ریلی میں نہیں ہے۔ صرف انہیں ہی متنازع کیوں بنایا جا رہا ہے؟ انہوں نے کبھی نہیں کہا کہ وہ میاں نواز شریف کی گاڑی چلا کر لاہور جائیں گےمگر کچھ حلقے یہ خبر پورا دن تواتر سے چلاتے رہے۔ حد تو یہ ہے کہ ابھی کچھ دیر پہلے میرا ایک بیان چلتا رہا جو میں نے کسی کو دیا ہی نہیں۔ چوہدری نثار علی خان نے کہا کہ اگر میڈیا کے دوست بیان دینے سے پہلے تصدیق کر لیں تو کسی غلط فہمی کی گنجائش ہی نہ رہے۔

Read 658 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto