ایاز صادق نے ثابت کردیا کہ وہ سپیکر قومی اسمبلی کے لائق نہیں، عمران خان

ہفتہ, 19 اگست 2017 19:20

اسلام آباد۔ سماجی رابطوں کی ویب سائٹ ٹوئیٹر پر اپنے رد عمل میں عمران خان نے کہا کہ سپریم کورٹ کے سینیئر جج جسٹس آصف سعید کھوسہ کے خلاف ریفرنس دائر کر کے ایاز صادق نے ثابت کردیا کہ وہ اسپیکر قومی اسمبلی کے عہدے پر رہنے کے اہل نہیں لہٰذا انہیں فوری طور پر مستعفی ہو جانا چاہیئے۔چیئرمین پی ٹی آئی نے مزید کہا کہ ایاز صادق کی جانب سے جسٹس آصف کھوسہ کے خلاف ریفرنس بھیجنا یہ ظاہر کرتا ہے کہ وہ صرف نواز شریف کی کرپشن چھپانا چاہتے ہیں اور اس سے ان کی بد نیتی ظاہر ہوتی ہے۔ عمران خان نے کہا کہ ایاز صادق کا یہ موقف اپنانا کہ اسپیکر قومی اسمبلی کا دفتر کوئی تحقیقاتی ایجنسی نہیں اس سوال کو جنم دیتا ہے کہ انہوں نے میرے اور جہانگیر ترین کے خلاف ریفرنس آگے کیوں بھیجے اور نواز شریف کے خلاف ریفرنس کو مسترد کیوں کیا۔عمران خان نے کہا کہ ایاز صادق نے پہلے بھی جانبداری کا مظاہرہ کیا اور اب یہ بات واضح ہو چکی ہے کہ وہ اسپیکر قومی اسمبلی کے عہدے پر رہنے کے اہل نہیں ہیں لہٰذا انہیں فوری طور پر مستعفی ہوجانا چاہیے۔ واضح رہے کہ اسپیکر قومی اسمبلی ایاز صادق نے سپریم کورٹ کے سینئر ترین جج اور پاناما بینچ کے سربراہ جسٹس آصف سعید کھوسہ کیخلاف آئین کے آرٹیکل 209 کے تحت 5 صفحات پر مشتمل ریفرنس دائر کیا ہے جس میں موقف اختیار کیا گیا ہے کہ جسٹس آصف سعید کھوسہ نے پاناما کیس کے اپنے فیصلے میں کہا کہ اسپیکر نے اپنی ذمہ داریاں ادا نہیں کیں اور اس بنیاد پر پاناما کیس سے متعلق درخواستوں کو قابل سماعت قرار دیا۔ ایاز صادق نے ریفرنس میں کہا کہ اسپیکر کو وزیراعظم کا وفادار اور جانبدار قرار دینا حقائق کے منافی ہے۔

Read 48 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto