مصطفی کمال کو دعوت دیتا ہوں، ٹھوس ثبوت ہیں تو سامنے لائیں، ہر الزام پر جوڈیشل کمیشن نہیں بنا سکتے: چوہدری نثار

ہفتہ, 05 مارچ 2016 19:14

اسلام آباد: وفاقی وزیر داخلہ چودھری نثار نے کہا ہے کہ مصطفی کمال اپنی مرضی سے گئے اور واپس بھی اپنی مرضی سے آئے۔انہوں نے اپنے الزامات کے کوئی دستاویزی ثبوت پیش نہیں کئے۔ 
اسلام آباد میں پریس کانفرنس کرتے ہوئے انہوں نے کہا کہ مصطفی کمال کی پریس کانفرنس پر ہماری خاموشی پر سوال اٹھایا گیا۔ ان کی باتیں نئی نہیں۔میں ان کو دعوت دیتا ہوں کہ اگر ان کے پاس ٹھوس ثبوت ہیں تو لائیں ہم کارروائی کرینگے۔ہر روز کوئی نہ کوئی الزام لگاتا ہے۔ کیا ہر پریس کانفرنس پر جوڈیشل کمیشن بنائیں۔ہم ہر سیاسی بیان پر اپنا نقطہ نظر نہیں دے سکتے نہ ہی۹ ہر الزام پر جوڈیشل کمیشن بنا سکتے ہیں۔انہوں نے مزید کہا کہ سرفراز مرچنٹ کے الزامات پر اگلے دن ہی کمیٹی بنا دی تھی ۔ ان سے درخواست کی جائے گی کہ واپس آئیں اور ثبوت دیں۔ اگر وہ نہیں آتے تو برطانیہ سے درخواست کی جائے گی کہ ہماری ٹیم کو لندن میں ان سے سوال کرنے کی اجازت دی جائے۔ یہ تمام کام پیر سے شروع ہو جائے گا۔انہوں نے کہا کہ عمران فاروق کیس میں سست رفتاری پر افسوس ہے۔سارا کام قانون کے مطابق ہوگا کسی کو بھینٹ نہیں چڑھایا جائے گا۔

Read 373 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto