8 آبدوزوں کے منصوبے پر کام جاری ہے، ایڈمرل ذکاء اللہ

ہفتہ, 07 اکتوبر 2017 19:00

اسلام آباد: پاک بحریہ کے سبکدوش سربراہ ایڈمرل (ر) محمد ذکاءاللہ نے اسلام آباد میں کمانڈ کی تبدیلی کی تقریب سے خطاب کرتے ہوئے کہا ہے کہ ایڈمرل ظفر محمود عباسی کو پاک بحریہ کا سربراہ بننے پر مبارکباد پیش کرتا ہوں، باہمت اور پرعزم افسروں کی قیادت میرے لیے باعث فخر ہے، پاکستان اللہ کا خاص انعام ہے، پاکستان بحریہ سے وابستگی ہماری خوش قسمتی ہے، میری زندگی کا حاصل یہ بہترین اور شاندار سروس رہی اور الحمداللہ پاک بحریہ دنیا کی بہترین بحریہ میں شامل ہے۔ ایڈمرل (ر) محمد ذکاءاللہ نے کہا کہ مجھے پاکستان کے دفاع کا موقع دیا، ہم اپنے دفاع کی بھرپورصلاحیت رکھتے ہیں، پاکستان کا دفاع ہمیں جان سے زیادہ عزیز ہے، مسلح افواج میں باہمی تعاون ہمارا قیمتی اثاثہ ہیں جس پرفخر ہے، خطے میں سیکیورٹی حالات پیچیدہ ہیں، ہم اپنے روایتی حریف کے دن بدن بڑھتے ہوئے جنگی سازوسامان سے لاعلم نہیں رکھ سکتے۔ ایڈمرل (ر) ذکااللہ نے خطاب میں کہا کہ ہم خطے میں طاقت کا توازن برقرار رکھنا چاہتے ہیں، پاکستان کے چیلنجز ختم نہیں ہوئے، 8 نئی آبدوزوں کے منصوبے پر کام جاری ہے۔ سی پیک کے حوالے سے ان کا کہنا تھا کہ سی پیک خطے کی خوشحالی کی ضمانت ہے، سی پیک کے پورے خطے میں مثبت اثرات مرتب ہوں گے، چین کے ساتھ فریگیٹ کا معاہدہ طے پا گیا ہے۔

Read 132 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto