ارکان پارلیمنٹ کی ترقیاتی اسکیموں کیلیے فنڈز مختص نہ کرنیکا فیصلہ

جمعہ, 25 مارچ 2016 14:32

حکومت نے ارکان اسمبلی اور ارکان سینیٹ کے مطالبے کو مستردکرتے ہوئے آئندہ مالی سال 2016-17کیلیے بھی ایوان بالااورزیریں کے ممبران کی جانب سے تجویزکردہ ترقیاتی اسکیموں کے لیے بھی فنڈز مختص نہ کرنے کا فیصلہ کیا ہے

حکومتی ارکان قومی اسمبلی اور ارکان سینیٹ نے مطالبہ کیا تھاکہ آئندہ سال الیکشن کیلیے اہم ہے، اس لیے ان کے حلقوں میں ترقیاتی سرگرمیاں ان کے ذریعے ہونی چاہئیں،اس سلسلے میں ارکان اسمبلی کے ترقیاتی فنڈز بحال کیے جائیں۔ کابینہ ڈویژن نے یہ مطالبہ مستردکرتے ہوئے کہاکہ گزشتہ دور حکومت میں ارکان پارلیمان کوپی ایس ڈی پی کے ذریعے رقم فراہم کی جارہی تھی۔

اس پروگرام کے تحت ارکان پارلیمنٹ کی جانب سے اپنے متعلقہ انتخابی حلقوں میں تجویزکردہ ترقیاتی اسکیموں کے لیے مقررہ کردہ طریقہ کارکے مطابق ترقیاتی فنڈزجاری کیے جاتے تھے تاہم عدالت عظمیٰ نے اس کے خلاف فیصلہ دیا ہے جس میں کہاگیاکہ دستورایم پی ایز،ایم این ایز، ممتاز شخصیات کومحض وزیراعظم یاوزیر اعلیٰ کی ہدایت پرفنڈزکے استعمال کی اجازت نہیں دیتا ،یہ غیرقانونی اورغیرآئینی ہے۔

لہٰذا اب تک پی ایس ڈی پی میں مذکورہ پروگرام کے لیے کوئی فنڈزمختص کیے گئے ہیں نہ ہی آئندہ مالی سال 2016-17 کے لیے کسی قسم کے فنڈزمختص کیے جائیں گے، دستاویزات کے مطابق آئندہ فنڈز مقامی کمیونٹیزیاسول سوسائٹی کی تنظیم کی جانب سے نشاندہی کردہ منصوبوںپرکیے جائیں گے، جن کی منظوری مجازفورم کی جانب سے دی جائے گی

Read 155 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto