پاکستان مخالف سرگرمیوں کے معاملات نظرانداز کرنے کی خبر جھوٹی ہے: ایرانی سفیرمہدی ہنردوست

منگل, 05 اپریل 2016 18:54

اسلام آباد: ایرانی سفیرمہدی ہنردوست نے کہا ہے کہ کچھ عناصر نے صدر روحانی کے دورے کے ماحول کو خراب کرنے کی کوشش کی خبر جھوٹ پر مبنی تھی کہ ایران نے پاکستان مخالف سرگرمیوں سے متعلق معاملات نظرانداز کیے۔
 مہدی ہنردوست کا کہنا تھا کہ ہمیں میڈیا میں آنیوالی افواہوں پرافسوس ہواجب سکیورٹی حکام اچھے رابطے میں رہتے ہیں تو پھر معاملہ میڈیا پرپہلے کیوں لایا گیا؟۔ خبر جھوٹ پر مبنی تھی کہ ایران نے پاکستان مخالف سرگرمیوں سے متعلق معاملات نظرانداز کیے،یہ پہلی بار ہوا ہے ایک اعلیٰ سطح کے دورے کے بعد اس قسم کا ایشو اٹھایا گیا ہو، اس پر ہمارے تحفظات ہیں جو ہم نے پاکستانی بھائیوں تک پہنچائے ہیں۔
مہدی ہنردوست کا کہنا تھا کہ یہ پہلی بار ہوا ہے کوئی ایشو سکیورٹی حکام تک پہنچنے سے قبل میڈیا میں آیا ہو،یہ پہلی بار نہیں کہ پاک ایران سکیورٹی حکام کے درمیان ایشوز پر بات نہ ہوئی ہو،پاکستان اور ایران کے مابین سکیورٹی معاملات پر کوئی اختلاف نہیں،دونوں ممالک کی منزل،مفاد اور تشویش ایک ہے۔ کچھ ممالک کو پاک ،ایران دوستی پسند نہیں اسی لیے پاکستان اور ایران جب بھی قریب آتے ہیں تو اس قسم کا رد عمل ملتا ہے، پاکستان اورہم ایک ہیں اور ہمارے بیچ کوئی دوری نہیں ہے ، پاکستان کی سلامتی و استحکام ایران کی سلامتی و استحکام ہے۔

Read 235 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto