وزیر اعظم نے کمیشن بنا دیا ، جسے تکلیف ہے وہ جوڈیشل کمیشن یا لندن کی عدالتوں میں جائے: عابد شیر علی

بدھ, 06 اپریل 2016 17:35

ملتان:وزیر مملکت برائے پانی و بجلی عابد شیر علی نے کہا ہے کہ پاکستان کی تباہی کرنے والوں کا دماغی علاج ضروری ہے، وزیر اعظم نے پانامالیکس معاملے پر جوڈیشل کمیشن بنا دیا ہے اب جسے تکلیف ہے وہ جوڈیشل کمیشن یا لندن کی عدالتوں میں جائے۔

ملتان میں میڈیا سے بات کرتے ہوئے عابد شیر علی نے کہا کہ و زیراعظم نے خود کو اوراہل خانہ کو احتساب کیلئے پیش کردیا ہے، تاریخ میں کبھی ایسا نہیں ہوا کہ کسی وزیر اعظم نے خود کو احتساب کیلئے پیش کیا ہو۔ انہوں نے کہا کہ جب عمران خان نے دھرنا دیا تھا اس وقت بھی وزیر اعظم نے کمیشن کا اعلان کیا تھا تاہم دھرنے والوں نے راستہ روکنے کی کوشش کی مگر ان کا دھڑن تختہ ہو گیا  ۔ایل این جی کے پاور پلانٹ پر تیزی سے کام جاری ہے،ساہیوال اور پورٹ قاسم کا کول پاور پلانٹ 2017 میں آئیں گے۔انہوں نے دعویٰ کیا کہ مارچ 2018تک ملک سے لوڈشیڈنگ کا مکمل خاتمہ کریں گےاور لوگوں کو سستی بجلی فراہم کریں گے،ہماری پالیسی ہے کہ میرٹ پر کام کرنا ہے ،آج کئی ارکان کے کنکشن کاٹے ہیں۔ عابد شیر علی نے کہا کہ 3 حکومتوں نے دیامر بھاشا ڈیم کی صرف تختیاں لگائی، داسو ڈیم پر اس سال ستمبر اکتوبر میں کام شروع ہو جائے گا۔

Read 189 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto