خورشیدشاہ کے خلاف کرپشن کے ثبوت ہیں تو انہیں پکڑنا وزیرداخلہ کی ذمہ داری ہے، عمران خان

بدھ, 13 اپریل 2016 21:48

لاہور: چیئرمین تحریک انصاف عمران خان کا کہنا ہے کہ چوہدری نثار کے پاس کسی کی کرپشن کے ثبوت ہیں تو وہ اسے پکڑیں کیا انہوں نے فائلیں صرف بلیک میل کرنے کے لیے رکھی ہیں۔

لاہور میں میڈیا سے بات کرتے ہوئے عمران خان نے کہا کہ رائے ونڈ مارچ کی بھرپور طریقے سے تیاری کررہے ہیں، اس مارچ میں ہر طبقے کے لوگوں کو شرکت کی دعوت دیتا ہوں جب کہ 24 اپریل یوم تاسیس کی بھی بھرپور تیاریاں جاری ہیں جس میں آئندہ کے لائحہ کا اعلان کریں گے۔ انہوں نے کہا کہ چوہدری نثار کے پاس کسی کی کرپشن کے ثبوت ہیں تو وہ اسے پکڑیں ، کیا انہوں نے فائلیں صرف بلیک میل کرنے کے لیے رکھی ہیں یا اپوزیشن لیڈر ان کے وزیراعظم کے خلاف بولیں گے تب یہ ان کی فائلیں کھولیں گے، اگر خورشید شاہ کے خلاف  ثبوت ہیں تو انہیں پکڑنے کی ذمہ داری وزیر داخلہ کی ہے۔

عمران خان نے کہا کہ ملک میں غربت ہے لیکن ایک ٹولہ پیسہ لوٹ کر باہر بھیجتا ہے، یہ لوگ چوری کے پیسے سے ووٹ خریدتے ہیں اور اسی پیسے سے دھاندلی کرکے پھر اقتدار میں آکر پیسہ بناتے ہیں۔ انہوں نے کہا کہ ایک طرف تو نوازشریف کے پاس پیسہ نہیں تھا اور دوسری طرف آف شور کمپنیاں بنائی گئیں، شریف خاندان کے پاس اتنی دولت کہاں سے آئی جب کہ لندن کے مے فیئرلیٹس بھی جلا وطنی سے پہلے کے ہیں، کمپنیاں اور فلیٹس خریدتے وقت بچوں کا کوئی کاروبار نہیں تھا۔

تحریک انصاف کے چیئرمین کا کہنا تھا کہ لندن میں وائٹ کالر کرائم کے قانون ماہرین سے ملوں گا کیونکہ یہاں کمیشن بنانے کے لیے لوگ ڈھونڈے جارہے ہیں اور بھارت میں 25 تاریخ کو رپورٹ بھی آجائے گی۔

Read 265 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto