کرپشن پر اعلیٰ افسران کو برطرف کرنے سے آرمی چیف کا قد بڑھا: شاہ محمود قریشی

جمعرات, 21 اپریل 2016 17:10

لاہور: آرمی چیف کی جانب سے پاک فوج کی جانب سے 13 اعلیٰ افسران کو کرپشن پر برطرف کیے جانے پر تحریک انصاف کے مرکزی رہنما شاہ محمود قریشی نے کہا ہے کہ یہ بہت بڑا قدم ہے جس سے جنرل راحیل شریف کا قد کاٹھ بڑا ہوگیا ہے انہوں نے یہ ثابت کردیا کہ احتساب کے معاملے میں کوئی بھی مقدس گائے نہیں ہے۔
نجی ٹی وی سے گفتگو کرتے ہوئے شاہ محمود قریشی کا کہنا تھا کہ آرمی چیف جنرل راحیل شریف سمجھتے ہیں کہ اگر ہم نے آپریشن ضرب عضب کے اہداف حاصل کرنے ہیں تو احتساب اس کا اہم جزو ہے ، پارلیمنٹ میں بھی احتساب ہونا چاہیے ۔
انہوں نے کہا کہ دونوں بڑی جماعتیں کہتی ہیں کہ میثاق جمہوریت میں ہم نے آزاد احتساب پر اتفاق کیا تھا لیکن اس کے باوجود اس پر عمل نہیں ہوتاہم دعوت دیتے ہیں کہ میثاق جمہوریت کو پارلیمنٹ میں لے کر آئیں اور اس پر عملی کا م شروع کریں۔
پاناما لیکس کے حوالے سے شاہ محمود قریشی کا کہنا تھا کہ پاناما لیکس پر حکومت صرف نام کا کمیشن بنانا چاہ رہی ہے لیکن ہم کہتے ہیں کہ موثر کمیشن بنایا جائے ہماری لیگل کمیٹی حامد خان کی سربراہی میںاپنا کام کررہی ہے جو بہت جلد اپنی سفارشات پیش کردے گی جبکہ رہنمائی کیلئے ہم سپریم کورٹ بار ایسوسی ایشن سے بھی مسلسل رابطے میں ہیں۔

Read 368 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto