ناروے کی خاتون وزیرنے تارکین وطن کی مشکل جاننے کیلیے سمندرمیں چھلانگ لگادی

ہفتہ, 23 اپریل 2016 13:48

شام سے ہجرت کرنے والے افراد کی مشکلات مسلسل بڑھ رہی ہیں اور ان کے پاس سرچھپانے کا کوئی ٹھکانہ نہیں اور ان کی انہی مشکلات کو حقیقی طور پر محسوس کرنے کے لیے ناروے کی امیگریشن کی خاتون وزیر نے عجیب و غریب طریقہ اختیار کرتے ہوئے ریسکیو کشتی سے عین اس وقت چھلانگ لگادی جب وہ بحیرہ روم کے بیچ و بیچ سفرکررہی تھی۔

خبر ایجنسی کے مطابق ناروے کی امیگریشن وزیر سائلوی لستھاگ بحیرہ روم میں یونان کے جزیرے کی طرف امیگریشن کے لیے جاری ریسکیو کا کام معائنہ کرنے روانہ ہوئی تھیں کہ اس دوران انہوں نے اچانک سمندر میں چھلانگ لگادی۔ خاتون وزیر کا کہنا تھا کہ انسان اس طرح بھی تارکین وطن کی مشکلات کا درست اندازہ نہیں لگا سکتا لیکن اس جیسی صورت حال سے گزرکر اسے کچھ اندازہ ضرور ہوجاتا ہے کہ یہ لوگ پانی میں گر کر کس طرح زندگی بچانے کی جدوجہد کرتے ہیں۔

خاتون وزیر نے کہا کہ تارکین وطن جب سمندر میں زندگی کے لیے کوشش کرتے ہیں تو انہوں نے لائف جیکٹ نہیں پہنی ہوتی اس لیے وہ اعتراف کرتی ہیں کہ ان کی مشکلات کا اندازہ ہی نہیں لگایا جا سکتا۔

خاتون وزیر کے اس انداز سے ان کے ملک کے کچھ لوگوں نے سوشل میڈیا پر سخت تنقید کرتے ہوئے اسے سستی شہرت حاصل کرنے کا طریقہ قرار دیا ہے اور کہا ہے کہ اب وہ نابیناؤں کی مشکل جاننے کے لیے آنکھیں بند کرکے دکھائیں گی۔

Read 438 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto