فاروق ستارکے کوآرڈینیٹر’آفتاب احمد‘ رینجرز حراست میں جاں بحق،

منگل, 03 مئی 2016 13:37

ایم کیو ایم کے رہنما اور سندھ اسمبلی میں قائدِ حزبِ اختلاف خواجہ اظہارالحسن نے دعویٰ کیا ہے کہ ڈاکٹر فاروق ستار کے آرڈینیٹر آفتاب احمد آج صبح رینجرز کی حراست میں جاں بحق ہو گئے ہیں۔

سندھ اسمبلی سے باہر صحافیوں سے بات کرتے ہوئے اپوزیشن لیڈر خواجہ اظہار الحسن نے بتایا کہ آفتاب احمد ایم کیوایم کے سینئر رہنما ڈاکٹر فاروق ستار کے کوآرڈینیٹر تھےجنہیں چند روز قبل رینجرز نے فیڈرل بی ایریا میں واقع ان کی رہائش گاہ  سے گرفتار کیا گیا تھا، آج صبح چار بجےانتقال کرگئے ہیں۔

خواجہ اظہار الحسن نے کا کہنا تھا کہ انہوں نے سندھ اسمبلی میں بھرپور احتجاج کیا ہے اوروہ اس سانحہ کی آزادانہ تفتیش کا مطالبہ کرتے ہیں جس کے لیےفی الفور میڈیکل بورڈ تشکیل دیاجائے جوکہ آفتاب احمد کی زیرِ حراست ہلاکت کی وجہ کا تعین کرے۔

انہوں نے مزید کہا کہ ہم کراچی میں امن کے خواہاں ہیں۔ ہم نے ہی سب پہلے آپریشن کا مطالبہ کیا تھا اوربھرپورحمایت بھی کی لیکن زیرِ حراست ہلاکتیں جاری آپریشن پرسوالیہ نشان بنتی جا رہی ہیں۔

انہوں نے مزید کہا کہ ہم امید کرتے ہیں حکومت اور قانون نافذ کرنے والے ادارے ایسے واقعات کے سدباب کے لیے فوری اقدام کریں گے۔تاکہ شہریوں میں پائی جانے والی بے چینی کا ازالہ ہو سکے۔

Read 551 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto