ایس ای سی پی کی ملازمین کو حصص جاری کرنے کے لیے گائیڈ لائنز جاری

ہفتہ, 07 مئی 2016 15:14

سکیورٹیز اینڈ ایکسچینج کمیشن (ایس ای سی پی) نے تمام پبلک کمپنیوں کی جانب سے اپنے ملازمین کو اسٹاک آپشن کے تحت حصص جاری کرنے کے لیے گائیڈ لائنز جاری کردی ہیں۔

تفصیلات کے مطابق آرڈیننس 1984 کے تحت جاری کی گئی ان گائیڈ لائنز میں اسٹاک آپشن اسکیم کے انتظامی ڈھانچہ اور ملازمین کو حصص جاری کرنے کا طریقہ کار وضع کیا گیا ہے۔ ترجمان کے مطابق جاری کی گئی گائیڈ لائنز کے مطابق ملازمین کمپنی کے حصص ایک مخصوص دورانیے کے اندر کمپنیوں کی جانب سے متعین کردہ قیمت کے عوض خرید سکتے ہیں۔

ایس ای سی پی کی جانب سے پیش کیے جانے والے ان اصولوں کا مقصد تمام پبلک لمیٹڈ کمپنیوں میں اس اسکیم کے انتظامی ڈھانچے کو مزید بہتر بنانا ہے۔ پیش کردہ اصولوں میں معاوضہ کمیٹی کی تشکیل، کمیٹی کے فرائض و ذمہ داریوں کا تعین، اسکیم کی منظوری کا طریقہ کار، اسکیم میں کیے جانے والے انکشافات، درخواست نامے کی ترتیب بندی اور درخواست کے ساتھ جمع کیے جانے والی دستاویزات سمیت دیگر اہم ہدایات شامل ہیں۔

ان اصولوں میں اس بات کو بھی شامل کیا گیا ہے کہ اسکیم کے انتظامی ڈھانچے کی تشکیل کے دوران کمپنیوں کے ملازمین اور شراکت داروں کے تحفظات کو مد نظر رکھا جائے گا جبکہ تمام پبلک لمیٹڈ کمپنیاں اپنے کاروبار کی ترسیل اور ملکی معیشت میں بہتری کے لیے اس اسکیم کو بروئے کار لائیں گی۔

Read 428 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto