چین کی یونیورسٹی میں شائستہ رویے پر انعام

منگل, 10 مئی 2016 13:57

اطلاعات کے مطابق چین کی ایک یونیورسٹی ایسے طلبہ کو کینٹین میں 50 فیصد رعایت دے رہی ہے جو سٹاف کے ساتھ شائستگی سے پیش آئیں گے۔

یہ پیشکش مشرقی شہر ووہو کی انہوئي نارمل یونیورسٹی میں کی گئی ہے اور اسے کیمپس میں طلبہ کے رویوں میں بہتری لانے کی مہم کے طور پر متعارف کرایا گيا ہے۔

یہ خبر سرکاری صوبائی نیوز سائٹ انہوئی آن لائن نے شائع کی ہے۔

ایسے ہر طلبہ کو کھانے پر 50 فیصد کی چھوٹ ملے گی جو سٹاف کے ساتھ مہذب اور شائستہ سلوک روا رکھیں گے جیسے انھیں ’ہلو‘، ’پلیز‘ اور ’شکریہ‘ جیسے الفاظ کہیں یا پھر اس کی تعریف کریں کہ ’آپ نے بہت محنت کی ہے۔‘

انھیں چھ یوان (ایک ڈالر 60 پینس) کا کھانا تین یوان (80 پینس) میں ملے گا۔

یونیورسٹی کے ایک اہلکار جینگ فینگمنگ نے کہا: ’حال میں سکول نے ایک مذاکرہ منعقد کیا جس میں طلبہ کے طور طریقے کو بہتر بنانے پر غور کیا گیا اور اس پر بھی غور کیا گیا کہ کینٹین کو کس طرح تعلیم کے لیے استعمال کیا جائے۔

اگرچہ یہ تصور عالمی سطح پر مقبول ہو سکتا ہے لیکن یہ چین کے بہت سے سوشل میڈیا صارفین کو متاثر کرنے سے قاصر رہا۔

ایک شخص نے مائیکرو بلاگنگ سائٹ چائنا ویئبو پر لکھا کہ ’مجھے یقین نہیں آتا کہ بنیادی اخلاق کے لیے پیسے کا استعمال کیا جائے گا۔‘

ایک شخص نے لکھا کہ ’برتاؤ میں شائستگی کے لیے تول مول اس کی قدر و قیمت کو کم کر دیتا ہے‘ جبکہ ایک دوسرے شخص نے لکھا ’یہ کسی المیے سے کم نہیں کہ مہذب طور طریقے فطری طور پر نہیں آتے۔‘

جبکہ بعض دوسرے اس سے متفق نظر نہیں آئے کہ اس کے لیے انعام درست طریقہ ہے۔ ایک شخص نے لکھا: ’کیا ہم اسی طرح جانوروں کی تربیت نہیں کرتے ہیں؟

Read 549 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto