پاناما لیکس ، ہمارے قائدین احتساب کیلئے تیا رہیں:تحریک انصاف

ہفتہ, 14 مئی 2016 18:18

لاہور: تحریک انصاف کا کہنا ہے کہ ہمارے قائدین پاناما لیکس سے متعلق الزامات پر احتساب کیلئے تیار ہیں ،عمران خان نے 2003میں فلیٹ بیچا اور 7لاکھ پاﺅنڈ وطن لے کر آئے ، پرویز رشید نے نیوزکانفرنس کرکے قوم کا وقت ضائع کیا ۔
تفصیلات کے مطابق وفاقی وزیر اطلاعات کی پریس کانفرنس پر ردعمل دیتے ہوئے تحریک انصاف کے ترجمان  نعیم الحق کا کہنا تھا کہ پرویز رشید نے نیوزکانفرنس کرکے قوم کا وقت ضائع کیا اور عمران خان پر کیچڑ اچھالا۔انہوں نے کہا ڈیڑھ ماہ گزر گیا لیکن حکومت نے جواب نہیں دیا، وزیراعظم قوم کو ان سوالوں کے جواب دیں جن کی وہ منتظر ہے اور بتائیں پیسہ کب اور کیسے باہر بھیجا گیا ؟ انہوں نے کہا پرویز رشید نے چھ کمپنیوں کے الزامات لگائے ہیں،ہمارے قائدین احتساب کیلئے تیار ہیں ، چیلنج کرتا ہوں وزیراعظم 48گھنٹوں میں تحقیقات کرائیں ،اگر ہم قوا نین کی خلاف ورزی میں ملوث ہیں تو آپ ہمارے لوگوں کے خلاف کارروائی کریں ،اگر کارروائی نہیں کی جاتی تویہ منصب سے غداری ہو گی۔انہوں نے کہا کہ مجھے افسوس ہے کہ ان میں اخلاقی جرات دور ور تک نظر نہیں آتی ، حکومتی وزرا کی تنخواہیں ٹیکس سے ادا کی جاتی ہیں لیکن وہ وزیراعظم کے ذاتی دفاع میں لگے ہوئے ہیں ،پہلے وہ اپنے عہدے چھوڑیں پھر دفاع کریں ۔

انہوں نے کہا ہم چاہتے ہیں مشاورت سے ٹی او آر بنائے جائیں، چیف جسٹس نے بھی اپوزیشن کے موقف کی تائید کی۔پیر کو قومی اسمبلی اجلاس سے متعلق سوال کے جواب میں انہوں نے کہا امید نہیں ہے کہ وزیراعظم اپوزیشن کے سوالوں کے جواب دیں گے، عمران خان پیر کو اسمبلی کے اجلاس میں شریک ہوں گے اور پیر کو ہی اپوزیشن کا مشترکہ لائحہ عمل دیں گے۔ایک او ر سوال پر نعیم الحق نے کہا عمران خان ٹی 20ورلڈ کپ پر بھارت گئے تو انہیں اتنی رقم ملی جو ابھی تک چل رہی ہے ان کاباقاعدہ ذریعہ آمدن کوئی نہیں ہے۔

Read 282 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto