ایف سی کی گاڑی پر فائرنگ، 3 اہلکار شہید

بدھ, 25 مئی 2016 13:04

پشاور میں حکام کا کہنا ہے کہ مسلح افراد کی فائرنگ میں فرنٹیئر کانسٹیبلری کے تین اہلکار ہلاک ہوگئے ہیں۔

پولیس کے مطابق یہ واقعہ بدھ کی صبح پشاور کے علاقے رنگ روڈ پر پتنگ چوک کے مقام پر فقیر آباد پولیس سٹیشن کی حدود میں پیش آیا۔

فقیر آباد پولیس سٹیشن کے ایک اہلکار ناصر خان نےبتایا کہ ایف سی اہکار امیر بادشاہ لال دین کالونی میں واقع اپنے گھر سے ایف سی ہیڈ کوارٹر جارہے تھے کہ اس دوران مسلح موٹر سائیکل سواروں نے ان کی گاڑی پر اندھا دھند فائرنگ کردی۔

انھوں نے کہا کہ حملے میں افسر سمیت تین افراد ہلاک ہوگئے ہیں جن میں محافظ اور ڈرائیور شامل ہیں۔

پولیس اہلکار کے مطابق اس واقعے کے بعد پولیس اور ایف سی کی بھاری نفری جائے وقوعہ پہنچی اور سارے علاقے کو گھیرے میں لے لیا۔

انھوں نے مزید کہا کہ قانون نافذ کرنے والے اداروں نے جائے وقوعہ اور آس پاس کے علاقوں میں بڑے پیمانے پر تلاشی کا عمل شروع کیا ہے۔

اس حملے کی ذمہ داری کالعدم تحریک طالبان پاکستان نے قبول کی ہے۔

خیال رہے کہ پشاور اور خیبر پختونخوا کے مختلف اضلاع بشمول قبائلی علاقوں میں گذشتہ دو مہینوں سے ٹارگٹ کلنگ کے واقعات میں خطرناک حد تک اضافہ دیکھنے میں آیا ہے۔

زیادہ تر واقعات میں سرکاری اہلکار بالخصوص پولیس اور اہل تشیع فرقے کے افراد نشانہ بنائے گئے ہیں۔

پشاور شہر میں حالیہ دنوں میں پولیس اہلکاروں کو دن دہاڑے ہدف بنا کر قتل کرنے کے کئی وقعات پیش آچکے ہیں تاہم قانون نافذ کرنے والے ادارے ان واقعات کو روکنے میں بظاہر ناکام نظر آرہی ہے۔

ان واقعات کی ذمہ داری کالعدم تنظیموں کی طرف سے وقتاً فوقتاً قبول کی جاتی رہی ہے۔

Read 1015 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto