چرچ پر حملے کے ملزم کو سزائے موت دلوانے کی کوشش

بدھ, 25 مئی 2016 14:12

امریکی وزارتِ انصاف چارلسٹن چرچ میں فائرنگ کے اس واقعے کے ملزم کو سزائے موت دلوانے کی کوشش کر رہی ہے جس میں نو افراد مارے گئے تھے۔

اٹارنی جنرل لوریٹا لِنچ نے کہا کہ ’مبینہ جرم کی نوعیت اور اس سے ہونے والا نقصان‘ سزائے موت کے متقاضی ہیں۔

ڈلن رُوف پر الزام ہے کہ انھوں نے امریکی ریاست ساؤتھ کیرولائنا میں سیاہ فاموں کے ایک چرچ میں فائرنگ کر کے نو عبادت گزاروں کو قتل کر دیا تھا۔

پولیس کا کہنا ہے کہ ملزم فائرنگ شروع کرنے سے پہلے ایک گھنٹے تک عبادت گزاروں کے ساتھ بیٹھے رہے تھے۔

استغاثہ کا کہنا ہے کہ 22 سالہ ملزم نے گذشتہ سال جون میں امانوئل ایفریکن میتھوڈسٹ ایپسکوپل چرچ پر حملہ کیا تھا۔ ان پر 33 وفاقی الزامات ہیں جن میں نفرت، مذہب میں رکاوٹ ڈالنا اور آتشیں اسلحے سے متعلق جرائم شامل ہیں۔

پولیس کے مطابق ملزم نے لوگوں کو ان کی نسل کی وجہ سے نشانہ بنایا اور وہ سفیدفام نسل کی برتری کے خیالات کے حامی تھے۔

مقتولین کے جنازے میں ہزاروں لوگوں نے شرکت کی جن میں امریکی صدر براک اوباما بھی شامل تھے۔

اس واقعے نے امریکہ میں نسلوں کے مابین تعلقات پر بحث کو ہوا دی تھی۔

Read 705 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto