کرس ووکس دوسرے ٹیسٹ میں بین سٹوکس کی جگہ لیں گے

جمعہ, 27 مئی 2016 09:43

انگلینڈ کے آل راؤنڈر کرس ووکس سری لنکا کے خلاف آج سے شروع ہونے والے دوسرے ٹیسٹ میں بین سٹوکس کی جگہ لیں گے۔

کرس ووکس جنھوں نے گذشتہ ہفتے واروکشائر کے لیے 36 رنز دے کر نو وکٹیں حاصل کیں تھیں کو سری لنکا کے خلاف جمعے سے شروع ہونے والے ٹیسٹ میچ کے لیے منتخب کیا گیا ہے۔

انگلینڈ کی ٹیسٹ ٹیم کے کپتان ایلسٹر کک کا کہنا ہے کہ 27 سالہ ووکس دوسرے ٹیسٹ میں آٹھویں نمبر پر بیٹنگ کریں گے۔

ایلسٹر کک کا مزید کہنا تھا ’مجھے نہیں لگتا کہ ہم نے ووکس کو انلگینڈ کی شرٹ پہنے بہترین کھیل پیش کرتے دیکھا ہے لیکن وہ فارم میں ہیں۔‘

24 سالہ بین سٹوکس سری لنکا کے خلاف ہیڈنگلے میں کھیلے جانے والے پہلے ٹیسٹ کے دوران زخمی ہونے کی وجہ سے باقی دو ٹیسٹ کھیل نہیں سکیں گے۔

ہیڈنگلے میں کھیلے جانے والے پہلے ٹیسٹ میچ میں انگلینڈ نے سری لنکا کو ایک اننگز اور 88 رنز سے شکست دی تھی۔

انگلینڈ کے وکٹ کیپر جونی بیرسٹو سری لنکا کے خلاف پہلے ٹیسٹ میں 140 رنز بنانے کے علاوہ نو کیچ لے کر میچ کے بہترین کھلاڑی قرار پائے تھے کو دوسرے ٹیسٹ میں چھٹی نمبر پر بیٹنگ کے لیے بھیجا جائے گا۔

کرس ووکس نے چھ ٹیسٹ میچوں میں 63.75 کی اوسط سے آٹھ وکٹیں اور 21.50 کی اوسط سے 129 رنز بنائے ہیں۔

Read 258 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto